Neftin qiyməti artır

10:06 22.05.2017

İqtisadiyyat

Dünya bazarlarında neftin qiyməti bahalaşıb.

Bu barədə Mynews.az London və Nyu-York birjalarında keçirilən hərracların nəticələrinə istinadən xəbər verir.

Belə ki, London birjasında Brent markalı neftin iyul fyuçerslərinin qiyməti 0,80% artaraq bir barelə görə 54,04 dollar olub.

Nyu-York birjasında WTI neftinin bir bareli 0,79% bahalaşaraq 50,73 dollara satılıb.

Qeyd edək ki, 2016-cı il noyabrın 30-da OPEC üzrə gündəlik neft hasilatının 1,2 mln. barel azaldılaraq 32,5 mln. barelə endirilməsi barədə razılıq əldə olunub.

Həmin ilin dekabrında Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan 2017-ci ilin birinci yarısı üçün ümumi hasilatın sutkada 558 min barel azaldılması barədə sazişə imza atıb.

Müddət bitdikdən sonra alınacaq qərarlar üçün bütün diqqət mayın 25-də OPEC-in Nazirlər Şurasının Vyanada keçiriləcək 172-ci iclasına yönəlib.

MƏNİM XƏBƏRLƏRİM

İqtisadiyyat

Sizin üçün seçdik

İndi oxunanlar

Həftənin hitləri

Mynews.az