OPEC+ anlaşması ləğv oluna bilər

12:49 21.07.2017

İqtisadiyyat

OPEC və ona üzv olmayan ölkələrin neft nazirlərinin iyulun 24-də Sankt-Peterburqda (Rusiya) keçiriləcək Monitorinq Komitəsinin iclası böyük əhəmiyyət daşıyır.

Mynews.az Report-a istinadən xəbər verir ki, OPEC 30 noyabr Vyana anlaşmasının fiaskoya uğradığını artıq anlayır. Qlobal neft ehtiyatları azalmır, anlaşmada istisna təşkil edən Liviya və Nigeriya, həmçinin ABŞ-da şist neft hasilatı isə artmağa davam edir.

OPEC hazırda ABŞ şist neft hasilatçılarına təsir edə bilmir, lakin Liviya və Nigeriyaya təsir imkanı çətin də olsa, qalır. Lakin ən əsası odur ki, Liviya və Nigeriya hasilatını məhdudlaşdıracağı təqdirdə belə, qiymətlər yüksələcək və bu zaman da ABŞ hasilatı daha da artıracaq. Yəni, neft bazarında vəziyyət kritik həddə çatıb. Həmçinin bildirmək lazımdır ki, Liviya və Nigeriyanı da razı salmaq çətin məsələdir. Bu iki ölkə daxili problemlər səbəbindən kəskin maliyyə ehtiyacı ilə üzləşib. Həmçinin, Ekvador və Qazaxıstanın hasilat kvotalarına riayət etməməsi OPEC+ anlaşmasının gələcəyi üçün təhlükə yaradıb.

Belə ki, bu ölkələrin hasilatı artırması digər ölkələri də belə bir addım atmağa sövq edə bilər. Bu halda OPEC+ anlaşması ləğv ediləcək və qiymətlərin 20 dollar/barelə qədər düşməsi ehtimalı yaranacaq.

MƏNİM XƏBƏRLƏRİM

İqtisadiyyat

Sizin üçün seçdik

İndi oxunanlar

Həftənin hitləri

Mynews.az