Qazaxıstan ABB ilə bağlı üç variantdan birini seçdi
Qazaxıstan Mərkəzi Bankı (QMB) Azərbaycan Beynəlxalq Bankının (ABB) Qazaxıstan Vahid Pensiya Yığım Fondunun ABB-nin qiymətli kağızlarına yatırdığı 250 mln. dollarlıq investisiyasının daxil olduğu uzunmüddətli öhdəliklərin könüllü restruktizasiyası ilə bağlı səsvermənin nəticələrini elan edib.
QMB hökumətlə birlikdə təklif edilən 3 variantdan II variantı - ABB-nin öhdəliklərinin illik 3,5% gəlirliliklə Azərbaycanın 15 illik suveren qiymətli kağızlarına dəyişdirilməsi variantını seçib.
Mynews.az xəbər verir ki, bu barədə Report Qazaxıstan mətbuatına istinadən məlumat yayıb.
Qeyd edək ki, II variant ABB-nın 250 mln. dollarlıq öhdəliyinin illik 3,5% gəlirliklə 15 illik (2032-ci ilədək) 250 mln. dollarlıq Azərbaycan dövlət qiymətli kağızlarına dəyişdirilməsini nəzərdə tutur.
“ABB-nin məlumatına əsasən, öhdəliklərin könüllü restruktizasiyası prosesinin bu ilin sentyabr ayının birinci yarısında yekunlaşması gözlənilir. QMB-də bununla bağlı bütün lazımi işlər görülür”, - deyə Mərkəzi Bankdan bildirilib.
Qeyd edək ki, Azərbaycan Beynəlxalq Bankının öhdəliklərinin könüllü restrukturizasiyası planı kreditorların 18 iyul 2017-ci il tarixində keçirilmiş yığıncağında qəbul olunub.
Yığıncağın nəticələrinə əsasən, restrukturizasiya olunan öhdəliklərin 94,1%-nə malik kreditorlar səsvermə prosesində iştirak edib və onların 93,9%-i planın lehinə səs verib. Restrukturizasiya nəticəsində bankın təxminən 3,34 mlrd. ABŞ dolları məbləğində xarici öhdəliyi ləğv ediləcək, əvəzində xarici kreditorlara bank və dövlət tərəfindən buraxılmış yeni qiymətli kağızlar təqdim olunacaq. Bununla yanaşı, üstün hüquqa malik və subordinasiya borcları üzrə hüququ çatan kreditorlara 10 may - 1 sentyabr 2017-ci il tarixləri ərzində hesablanmış, lakin ödənilməmiş faizlər ödəniləcək.
İqtisadiyyat
- Manat və lirənin məzənnəsi: Rubl bahalaşdı, avro ucuzlaşdı
- Azərbaycan nefti BAHALAŞIB
- Dollarda bahalaşma davam edir - Məzənnə rekord səviyyəyə yüksəlib
- Dollar bahalaşır, avro ucuzlaşır – Manat necə olacaq?
- Milli brend “Təbio” təqdim edildi! - FOTOLAR
- Azərbaycanda bir dollar niyə fantastik qiymətə satılır? - AÇIQLAMA
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1120 dəfə oxunub
- Aytən Səfərova ağır qəzaya düşdü 1107 dəfə oxunub
- Nar-dan xüsusi təklif: 10%-dək endirimlə smartfon! 1107 dəfə oxunub
- Fransa Azərbaycandakı səfirini geri çağırıb 1103 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 999 dəfə oxunub