Vüqar Bayramov: Enerji bazarında mövcud şərtlər daxilində ciddi qiymət artımları gözlənilmir
Dünya birjalarında neft ucuzlaşır. WTI neftinin qiyməti 1 barelə görə 0,66 dollar və ya 1,18% azalaraq, 55,04 dollar təşkil edib. Brent markalı neftin 1 barelinin dəyəri isə 0,84 dollar və ya 1,35% azalaraq, 61,37 dollar olub.
Mynews.az-ın məlumatına görə, ötən həftə neft bazarında müşahidə edilən artımdan sonra qiymətlərin azalmasını şərh edən iqtisadçı-ekspert Vüqar Bayramov Oxu.Az-a açıqlamasında bildirib ki, bu, gözlənilən idi: "Brent markalı neftin hər bareli son 2 gün 3 faizə yaxın ucuzlaşaraq, 61.3 dollaradək azalıb. Qiymət azalmalarının əsas səbəbi ABŞ-da neft quyularının sayının artması və eləcə də, Beynəlxalq Enerji Akademiyasının gələn il üçün neftə olan illik tələb proqnozunu gündəlik 190 min barel azaltması ilə bağlı açıqlamasıdır.
Eyni zamanda, Liviya və Nigeriya neft hasilatının əvvəlki səviyyəsi bərpa olunmaqdadır və İraq neft nəqlini tam bərpa etməyə çalışır. Bununla yanaşı, Meksika da hasilatın artırılması üçün platformalarda yenidənqurma işlərini tamamlayıb".
Ekspert qeyd edib: "Digər tərəfdən, Çin şist neft hasilatına 90 milyard dollar sərmayə yönəltmək niyyətindədir. Bu isə qlobal bazarda yeni və daha aşağı qiymət tarazlığına gətirib çıxara bilər".
İqtisadiyyat
- Manat və lirənin məzənnəsi: Rubl bahalaşdı, avro ucuzlaşdı
- Azərbaycan nefti BAHALAŞIB
- Dollarda bahalaşma davam edir - Məzənnə rekord səviyyəyə yüksəlib
- Dollar bahalaşır, avro ucuzlaşır – Manat necə olacaq?
- Milli brend “Təbio” təqdim edildi! - FOTOLAR
- Azərbaycanda bir dollar niyə fantastik qiymətə satılır? - AÇIQLAMA
Sizin üçün seçdik
İndi oxunanlar
Həftənin hitləri
- “Nar” ilə səyahətdə WhatsApp-da pulsuz yazış! 927 dəfə oxunub
- Moskvada daha bir DƏHŞƏT 924 dəfə oxunub
- Emin Ağalarov söz verdi 923 dəfə oxunub