Bakıda məşhur bankın 650 minlik əmlakı satışa çıxarıldı

13:43 09.08.2018

İqtisadiyyat

Əmanətlərin Sığortalanması Fondu ləğv prosesində olan “Texnikabank” və “Kredobank”ın daşınmaz əmlakını satışa çıxarıb.

Mynews.az xəbər verir ki, müvafiq hərrac avqustun 13-də keçiriləcək.

“Kredobank”ın satışa çıxarılan əmlakı Badamdar qəsəbəsində yerləşən 60,3 kv.m sahəli üçotaqlı evdir. Mənzilin ilkin satış qiyməti 59 min 568 manatdır.

Hərracda iştirak etmək istəyən vətəndaş 1192 manat məbləğində haqq ödəməlidir. Satılan evə görə beh isə ilkin qiymətin 5 faizi civarında - yəni, 2978 manat təşkil edir.

“Texnikabank”a məxsus daşınmaz əmlak isə qeyri-yaşayış sahəsidir. Bu əmlak sentyabrın 3-də keçiriləcək hərracda satışa çıxarılacaq. Paytaxtın Səbail rayonunda yerləşən və sahəsi 119,8 kv.m olan qeyri-yaşayış sahəsinin ilkin qiyməti 650 min 130 manatdır. Hərracda iştirak etmək istəyən 5000 manat haqq, əmlakı aldıqda isə 32 min 507 manat beh ödəməlidir.

MƏNİM XƏBƏRLƏRİM

İqtisadiyyat

Sizin üçün seçdik

İndi oxunanlar

Həftənin hitləri

Mynews.az