Eldar Mahmudovun həbsi gündəmdə

12:32 11.07.2017

Hadisə

“Proseslərin sonunda, verilən ifadələr əsasında istənilən hər bir şəxsə cinayət işi açıla bilər. Eyni zamanda, keçmiş nazir Eldar Mahmudov da bu siyahıda ola bilər”.

Mynews.az xəbər verir ki, bu sözləri Qafqazinfo-ya açıqlamasında ləğv edilmiş Milli Təhlükəsizlik Nazirliyinin sabiq şöbə rəisi, polkovnik Arzu Nağıyev keçmiş nazir Eldar Mahmudov barəsində cinayət işi açılması haqda qərara münasibət bildirərkən deyib.

A. Nağıyev qeyd edib ki, məhkəmə və Baş Prokurorluq tərəfindən cinayət işinin açılması ilə bağlı vəsatət qaldırılıb: “Təbii ki, Baş Prokurorluğun öz qərarı ola bilər. Çünki əsas qərarı onlar verəcək. Eyni zamanda, burada siyasi motivlər ola bilər. Çünki Eldar Mahmudov nazir səviyyəsində vəzifə sahibi olub. MTN polkovniki Vüsal Ələkbərov haqqında qərardan sonra məhz belə bir vəsatət qaldırılıb.

Proseslər davam edir, bu, hələ son demək deyil. Həbs məsələsinə isə ancaq məhkəmənin gedişatından sonra qərar vermək olar. Kiminsə haqqında vəsatət qaldırmaq hələ onun həbs olunması demək deyil. Obyektiv və subyektiv səbəblər olandan sonra cinayət işi qaldırılır. Həbs üçün əsas qərarverici orqan məhkəmə olmalıdır.

İndi müəyyən epizodlar üzrə məhkəmə prosesi yekunlaşa bilər. Burada məhkəmə prosesi bir neçə şaxələnmiş hissədən ibarətdir. Belə ki, bir epizod yekunlaşır və digərləri haqqında proses davam edir”.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az