Yasamaldakı yanğının fəsadları aradan qaldırılır - FOTO
Yasamal rayonundakı yanğının fəsadları aradan qaldırılır.
Mynews.az xəbər verir ki, bu barədə APA-ya Yasamal rayon İcra Hakimiyyəti başçısının I müavini, rayon Fövqəladə Hallar Komissiyasının sədri Səməd İslamov məlumat verib.
O qeyd edib ki, iyulun 24-də, səhər saatlarında rayonun İnşaatçılar prospekti 152/154 saylı yaşayış binasında yanğın baş verdiyi andan rayon rəhbərliyi və rayonun bütün əlaqədar təşkilatları hadisə yerində olub.
“FHN-nin yanğınsöndürmə briqadalarının gördüyü təxirəsalınmaz və məqsədyönlü tədbirlər nəticəsində binanın dam hissəsindəki yanğının mənzillərə keçməsinin qarşısı alınıb və sakinlərdən heç kim xəsarət almayıb.
Buna baxmayaraq, havanın küləkli, dam hissənin taxta konstruksiya və şiferdən ibarət olması səbəbindən yanğın binanın dam hissəsini tamamilə əhatə edib və sıradan çıxarıb.
Yanğından sonra binaya komissiya tərəfindən baxış keçirilib, yanğının binaya, eyni zamanda, yanğınsöndürmə zamanı su axıntısı nəticəsində mənzillərə dəyən ziyan dəyərləndirilib.
Binanın damının istismar üçün tamamilə yararsız vəziyyətə düşdüyünü və bu səbəbdən mənzillər üçün daha ciddi fəsadlar törədəcəyini nəzərə alaraq, Yasamal rayon İcra Hakimiyyəti daxili imkanlar hesabına 450 kv.m-lik çardaq tipli şifer dam örtüyünün təxirə salınmadan bərpasına qərar verib.
Su axıntısından mənzillərə dəymiş ziyana gəlincə, bu vəsaitlər sığortalanmış mənzillər üçün sığorta təşkilatları tərəfindən, digərləri üçün isə yanğının baş vermə səbəblərinin araşdırmalarının nəticələrindən asılı olaraq təqsirkar təşkilat və şəxslərin vəsaiti hesabına məhkəmə qərarı əsasında ödənilə bilər”, - deyə S. İslamov bildirib.
O, binanın qaz və elektrik enerjisi təminatının bu gün bərpa ediləcəyini də söyləyib.
Hadisə
- Azyaşlı qızını öldürməkdə şübhəli bilinən atanın saxlanılma anı - VİDEO
- Azərbaycanda əlaçı şagird, olimpiadaların iştirakçısı intihar etdi
- Azərbaycanlı ailənin faciəvi sonu - Əhməd olayına bənzədildi
- Məşhur azərbaycanlı aktrisa vəfat etdi - FOTO
- Anası məktəbdən gələndən sonra Əhməd marketin arxa hissəsindən baltanı götürərək... - ŞOK DETALLAR
- Öldürülən bacı və övladının GÖRÜNTÜLƏRİ
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 965 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 927 dəfə oxunub
- Nar-dan xüsusi təklif: 10%-dək endirimlə smartfon! 918 dəfə oxunub
- Aytən Səfərova ağır qəzaya düşdü 917 dəfə oxunub
- Fransa Azərbaycandakı səfirini geri çağırıb 915 dəfə oxunub