Ağır Cinayətlər Məhkəməsində insident: Zərərçəkən soyundu - VİDEO

12:00 06.09.2017

Hadisə

Bu gün Bakı Ağır Cinayətlər Məhkəməsinin qarşısında zərərçəkən şəxs soyunaraq, hakimə etiraz edib.

Mynews.az-ın Qafqazinfo-ya istinadən verdiyi xəbərə görə, Sənan İsmayılovadlı şəxs məhkəmə binasının girişində, yolun ortasında soyunub.

S.İsmayılovun belə hərəkət etməsinə səbəb isə onu güllələyərək yaralayan Vəli Əhmədova yüngül cəza verilməsidir.

Hakim Fikrət Qəribov Rusiya vətəndaşı olan V.Əhmədova 5 il azadlıqdan məhrumetmə cəzası verib. İstintaq V.Əhmədovun əməlini qəsdən adam öldürməyə cəhd kimi qiymətləndirsə də, F.Qəribov bu maddəni qəsdən sağlamlığa ağır zərər vurmaya tövsif edərək cəzanı yüngülləşdirib.

Zərərçəkən S.İsmayılov da hakimin qərərına etirazını bu formada bildirib.

Prokuror isə V.Əhmədovun 17 il müddətinə azadlıqdan məhrum edilməsini istəyib.

S.İsmayılov polis əməkdaşları tərəfindən saxlanılaraq, 22-ci Polis Bölməsinə aparılıb.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az