Magistral yolda təhlükəli an - Yük avtomobili daşıdığı qumu yola tökür - VİDEO

19:41 24.09.2017

Hadisə

Respublika əhəmiyyətli yolda hərəkət edən yük avtomobili sürücüsünün səhlənkarlığı barədə çəkilmiş videogörüntünü izləyicilərdən biri Avtosfer.az-a göndərib.

Mynews.az-ın məlumatına görə, “Shacman” markalı, 99 DR 071 dövlət nömrə nişanlı avtomobilin sürücüsü daşıdığı qumun yerə dağılmasına əhəmiyyət verməyərək hərəkətini davam etdirirdi.

Bu cür yük daşıma qanunvericiliklə qadağandır. “Yol hərəkəti haqqında” qanunun 57-ci maddəsinin III hissəsinin 5-ci bəndində qeyd olunub ki, daşınan yük ətraf mühiti çirkləndirməməlidir. Bu qaydanı pozan sürücüləri isə 40 manat məbləğində cərimə gözləyir.

Yük avtomobillərinin sürücülərinə bildiririk ki, bu cür tez dağılan yükləri daşıyan zaman onların yerə dağılmamasına xüsusi nəzarət etməlidirlər. Çünki bu cür məsuliyyətsizlik ətraf mühiti çirkləndirməkdən əlavə, həm də ağır yol nəqliyyat hadisələrinə gətirib çıxara bilər.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az