Bakıda xəstəxanada faciə - Gənc oğlan əməliyyat zamanı öldü
Bakıdakı Elmi-Tədqiqat Travmatologiya və Ortopediya İnstitutunda 18 yaşlı gənc əməliyyat zamanı dünyasını dəyişib.
Mynews.az xəbər verir ki, bu barədə Report-a mərhumun qohumları məlumat verib.
Bildirilib ki, Salyan rayonunun Qızılağac kənd sakini, 1999-cu il təvəllüdlü Əliyev Səbuhi Rafiq oğlu əməliyyatdan sonra narkozdan ayılmayıb.
Xəstənin dayısı Ağasəf Xurşidov bildirib ki, bir ay əvvəl S.Əliyevi xəstəxananın həkimi Toğrul Cəlilovun yanına gətiriblər: “Həkim xəstəni müayinə etdikdən sonra əməliyyat etməyi qərara aldı. Əməliyyata səbəb onurğa sütununun əyriliyi idi. Həkim xəstənin əməliyyatında riskin olmadığını bildirdi və əməliyyata qərar verdi. Əməliyyat zamanı həkimlərin, o cümlədən anestezioloqun səhvi ucbatında Səbuhi Əliyev narkozdan ayılmadı. Bu məsələdə xəstəxananın həkimləri, o cümlədən anestezioloq məsuliyyət daşıyır”.
Xəstə yaxınlarının bildirdiyinə görə, faktla bağlı Nəsimi Rayon Prokurorluğunda araşdırma aparılır.
Səhiyyə Nazirliyinin Mətbuat xidmətinin əməkdaşı Səfayə Əhmədovaaçıqlamasında bildirib ki, S.Əliyev Elmi-Tədqiqat Travmatologiya və Ortopediya İnstitutuna IV dərəcəli ağır kifoskolioz diaqnozu ilə müraciət edib: “Xəstə əməliyyata alınıb. Əməliyyat zamanı halı pisləşib, şoka düşüb. Bütün reanimasion tədbirlərə baxmayaraq, xəstənin həyatını xilas etmək mümkün olmayıb”.
Nazirlik sözçüsü bildirib ki, dünyanın heç bir yerində həkimin xəstəyə və xəstə yaxınlarına söz verməsi, and içməsi kimi qayda-qanun yoxdur: “Hər bir əməliyyatda risk var. Azərbaycan həkimləri daim bu risklərin qarşısını almaq üçün əllərindən gələni edir ki, belə hallar olmasın. Ancaq hər bir orqanizm fərqlidir, hamısında eyni reaksiya olmur. Bəzən həkimə məlum olmayan patologiya olur ki, əməliyyat anında üzə çıxır”.
Hadisə
- Azərbaycanda əlaçı şagird, olimpiadaların iştirakçısı intihar etdi
- Azərbaycanlı ailənin faciəvi sonu - Əhməd olayına bənzədildi
- Məşhur azərbaycanlı aktrisa vəfat etdi - FOTO
- Anası məktəbdən gələndən sonra Əhməd marketin arxa hissəsindən baltanı götürərək... - ŞOK DETALLAR
- Öldürülən bacı və övladının GÖRÜNTÜLƏRİ
- Bakıda öldürülən qadın məktəb direktoru imiş
Sizin üçün seçdik
İndi oxunanlar
Həftənin hitləri
- “Nar” ilə səyahətdə WhatsApp-da pulsuz yazış! 955 dəfə oxunub
- Emin Ağalarov söz verdi 954 dəfə oxunub
- Moskvada daha bir DƏHŞƏT 953 dəfə oxunub