Məcburi köçkünlərin yaşadığı sanatoriya yanıb

16:11 03.04.2018

Hadisə

Fövqəladə Hallar Nazirliyi Pirşağı qəsəbəsində yerləşən “Gilavar” sanatoriyasında baş verən yanğınla bağlı məlumat yayıb.

Nazirlikdən Mynews.az-a verilən məlumata görə, Sabunçu rayonu, Pirşağı qəsəbəsində yerləşən və hazırda fəaliyyət göstərməyən “Gilavar” sanatoriyasının ərazisində məcburi köçkünlərin məskunlaşdığı üçmərtəbəli korpusun 1-ci mərtəbəsində ümumi sahəsi 42 m² olan iki otağın və dəhlizin yanar konstruksiyaları, binaya bitişik tikilmiş ümumi sahəsi 18 m² olan köməkçi tikilinin yanar konstruksiyaları və zirzəmiyə yığılmış məişət əşyaları 18 m² sahədə yanıb.

Yanğın zamanı yuxarı mərtəbələrdəki tüstülənən otaqlardan 55 nəfər sakin FHN-nin müvafiq xilasetmə qüvvələri tərəfindən təxliyyə edilib. Bina yanğından mühafizə olunub.

Yanğın söndürülüb.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az