Mynews.az
MƏNİM XƏBƏRLƏRİM

Azərbaycanda icra başçısı gözətçini döydü - VİDEO

Beyləqan rayon icra hakimiyyətinin başçısı Vaqif Abdullayev rayonda yeni tikilməkdə olan Olimpiya İdman Kompleksinin gözətçisi Rahil Əliyevi döyüb.

Mynews.az Oxu.Az-a istinadən xəbər verir ki, hadisə bir neçə gün əvvəl baş verib.

Rahil Əliyev başına gələnlər barədə sosial şəbəkələrdə yayılmış videoyazıda məlumat verib.

O bildirir ki, icra başçısı onu tikinti sahəsində üç dəmir konstruksiyanın oğurlamaqda ittiham edib və sərxoş olarkən onu döyərək təhqir edib:

“Ancaq o məni eşitmək istəmədi, başladı qışqırmağa. Özümü, valideyinlərimi pis söyüşlərlə söydü. Dedim xahiş edirəm söymə, mənim şəhidim var. Buna da məhəl qoymadı, bu dəfə şəhidimin ruhunu ağır söyüşlərlə təhqir etdi”-, deyə Rahil Əliyev videoda bildirib.

Daha sonra dəmir konstruksiyaların Rahil Əliyevin oğurlamadığı ortaya çıxıb.

Zərərçəkənin dediyinə görə, qardaşı ilə birlikdə daha sonra polisə aparılıb, orada icra başçısı bu dəfə mobil telefonunu Əliyevin qardaşının başına çırpmaq istəyib:

“Məni döysəydi, söysəydi, bunu bağışlayardım. Amma şəhidimə, Elçin Gəray oğlunu söydüyünə görə onu bağışlamayacam”.

Whatsapp

Sizin üçün seçdik

Həftənin hitləri

loading...