Atışmada iştirak edənlərin cəzaları artırılıb - FOTO
Bakı Apellyasiya Məhkəməsində Samir Allahyarov, Tofiq Qaramizadə, Hüseyn Hüseynov, Bəhruz Rəfiyev, Fuad Əsgərov, Murtuza Tağıyev, Müzəffər Cəfərov, Araz Vəliyev və Süleyman Abdullayevın CM-nin 29,120.1 (qəsdən adam öldürməyə cəhd), 182 (hədə-qorxu yolu ilə tələb etmə), 221.2.1-ci (xuliqanlıq, bir qrup şəxs tərəfindən törədildikdə) və 221.3-cü (xuliqanlıq, silahdan və ya silah qisminə istifadə edilən əşyaları tətbiq etməklə törədildikdə) maddələri ilə cinayət işi üzrə məhkəmə prosesi başa çatıb.
Mynews.az-ın məlumatına görə, 2016-cı il aprelin 21-də Səbail rayonunun Badamdar qəsəbəsində yerləşən “Bulaq” restoranında silahlı insident baş verib.
Hadisə zamanı Fuad Əsgərov və Bəhruz Rəfiyev “Makarov” markalı tapançadan açılan atəşlər nəticəsində yaralanıblar, Süleyman Abdullayev isə bıçaqlanıb. Hər iki yaralını dostları Nərimanov rayonu ərazisində fəaliyyət göstərən “City Hospitala” gətirsələr də, 1-2 saatdan sonra araşdırmaya başlayan Bakı şəhər Baş Polis İdarəsi və Səbail rayon polis idarəsinin əməkdaşları yaralıları Kliniki Tibbi Mərkəzə köçürülmələrini təmin ediblər. Hadisə yerinə baxış zamanı 5 ədəd giliz və qan nümunələri götürülüb.
Qeyd edək ki, polisə insident haqda ABŞ-ın Bakıdakı səfirinin müavini Derek Hoqan məlumat verib. İş ondadır ki, onun istifadəsində olan “Chevrolet” markalı avtomaşın restoranın yanında parklanıb, Hoqan özü isə səfirin evində qonaq olub. Açılan atəşlərdən biri maşına dəysə də, xoşbəxtlikdən sükan arxasında əyləşən sürücüdən yan keçib.
İş üzrə ibtidai istintaq Bakı şəhər prokurorluğu tərəfindən aparılıb.
Bakı Ağır Cinayətlər Məhkəməsinin hökmü ilə S.Allahyarov 10 il, F.Əsgərov 8 il, T.Qaramizadə 7 il, H.Hüseynov 4 il 6 ay, B.Rəfiyev və M.Cəfərov 4 il, S.Abdullayev, A.Vəliyev və M.Tağıyev 3 il müddətinə azadlıqdan məhrumetmə cəzalarına məhkum olunublar.
Hökmdən prokuror protest, təqsirləndirilən şəxslər isə apellyasiya şikayətləri veriblər.
Bakı Apellyasiya Məhkəməsinin qərarı ilə birinci instansiya məhkəməsinin hökmü dəyişdirilib. Qərara əsasən, S.Allahyarovun cəzası 15 ilədək, F.Əsgərovun cəzası 10 ilədək və S.Abdullayevin cəzası 7 ilədək artırılıb.
Təqsirləndirilən H.Hüseynovun cəzası 3 il 6 aya endirilib.
Hadisə
- Qəbələdə dəhşət: 18 yaşlı qız tövlədə özünü asdı
- Azyaşlı qızını öldürməkdə şübhəli bilinən atanın saxlanılma anı - VİDEO
- Azərbaycanda əlaçı şagird, olimpiadaların iştirakçısı intihar etdi
- Azərbaycanlı ailənin faciəvi sonu - Əhməd olayına bənzədildi
- Məşhur azərbaycanlı aktrisa vəfat etdi - FOTO
- Anası məktəbdən gələndən sonra Əhməd marketin arxa hissəsindən baltanı götürərək... - ŞOK DETALLAR
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 596 dəfə oxunub
- Faiq Ağayev: "Damlanın dəyişimini çox bəyənirəm" 582 dəfə oxunub
- Qəbələdə dəhşət: 18 yaşlı qız tövlədə özünü asdı 574 dəfə oxunub