Siyəzəndə doğuş zamanı baş verən ana ölümünün ilkin səbəbi açıqlandı

16:55 12.06.2018

Hadisə

Siyəzən rayonunda doğuş zamanı baş verən ana ölümünün ilkin səbəbi açıqlanıb.

Mynews.az-ın məlumatına görə, Səhiyyə Nazirliyinin Doğuşayardım Komissiyasının sədri, baş mama-ginekoloq Sevinc Məmmədova “Report”a açıqlamasında deyib ki, hamilə qadın Aytən Qasımova xəstəxanada həkim nəzarətində olub.

S.Məmmədova bildirib ki, mərhum A.Qasımova planlı şəkildə qeysəriyyə əməliyyatı olunub: “Əməliyyatdan sonrakı dövrdə həmin kəsiyin yeri ağrayanda protokola əsasən ona ağrıkəsici vurulub. Bu zaman xəstənin orqanizmi ağrıkəsiciyə reaksiya verib və dünyasını dəyişib”.

Komissiya sədri qeyd edib ki, ölümün dəqiq səbəbləri aparılan müayinələrdən sonra məlum olacaq.

Qeyd edək ki, faktla bağlı Siyəzən Rayon Prokurorluğunda araşdırma aparılır.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az