20 yaşlı məcburi köçkün iş yerində qətlə yetirildi

13:26 24.07.2018

Hadisə

Bakıda metal qəbulu məntəqəsində işləyən 20 yaşlı gənc iş yoldaşı tərəfindən qətlə yetirilib.

Hadisə Nəsimi rayonu 3-cü mikrorayon qəsəbəsində baş verib. Bərdə rayonunda məskunlaşan Laçın rayonundan olan məcburi köçkün 1997-ci il təvəllüdlü Hüseynov Qafar Adıgözəl oğlu işlədiyi metla qəbulu sexində iş yoldaşıyla arasında mübahisə düşüb. Nəticədə adı hələlik məlum olmayan iş yoldaşı Q.Hüseynova küt alətlə vuraraq qətlə yetirib.

Mərhumun yaxınlarının sözlərinə görə, Q.Hüseynov 2 aydan çoxdur ki, həmin sexdə işləyib. İki həftə bundan qabaq iş yerində mübahisə düşdüyü üçün işdən çıxaraq evə gəlib. Daha sonra oranın müdiri Tərlan adlı şəxs Qafar Hüseynova zəng vuraraq, işə gəlməyini istəyib. Yenidən Bakıya iş yerinə qayıdan Qafar ölümündən təxminən 2 saat öncə əmisi oğlu ilə danşıb və hər şeyin yaxşı olduğunu söyləyib.

Faktla bağlı rayon prokurorluğunda cinayət işi açılıb, istintaq aparılır. (Report)

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az