Adlarını dəyişərək vətəndaşları aldadanlar saxlanıldı - FOTO
Nərimanov Rayon Polis İdarəsi 18-ci Polis Şöbəsi əməkdaşları tərəfindən həyata keçirilən əməliyyat nəticəsində dələduzluq yolu ilə insanları aldadaraq, onların etibarından sui-istifadə edən və pullarını mənimsəyən şəxslər saxlanılıb.
Daxili İşlər Nazirliyindən Mynews.az-a verilən məlumata görə, Bakı şəhər sakini Çərkəz Həsənov Polis Şöbəsinə müraciət edərək, bir müddət əvvəl Lökbatan qəsəbəsində yerləşən ticarət mərkəzlərindən birində Nizami vəFərid adlı şəxslərlə tanış olduğu və həmin şəxslər tərəfindən 2400 ABŞ dollarının mənimsənildiyi barədə məlumat verib.
Şöbə əməkdaşlarının keçirdikləri əməliyyat nəticəsində qeyd edilən cinayəti törətməkdə şübhəli bilinən əvvəllər məhkum olunmuşlar - Cəlilabad rayon sakini Taleh Həşimov və Biləsuvar rayon sakini Röyal Həsənovsaxlanılıblar.
Araşdırma zamanı həmin şəxslərin zərərçəkəni Rusiyaya geyim əşyaları göndərməkdə ona kömək edəcəkləri adı altında aldadaraq, metronun “Nərimanov” stansiyasının yaxınlığında qeyd edilən miqdarda pulu dələduzluq yolu ilə əldə etdikləri məlum olub.
T.Həşimov və R.Həsənovun verdikləri vədə əməl etmədiyini görəndən sonra zərərçəkən bu barədə polisi məlumatlandırıb. Saxlanılan şəxslər ifadələrində daha iki nəfəri eyni üsulla aldadaraq, pullarını ələ keçirdiklərini bildiriblər.
Qeyd edək ki, T.Həşimov özünü zərərçəkənlərə Nizami, R.Həsənov isə Fərid kimi təqdim edib.
Faktlarla bağlı 18-ci Polis Şöbəsində toplanan material araşdırılması üçün Nərimanov Rayon Polis İdarəsinin İstintaq Şöbəsinə göndərilib. T.Həşimov və R.Həsənovun əməllərindən zərərçəkən və hələ də polisə məlumat verməyən başqa şəxslər varsa, bu barədə DİN-nin “102” Zəng Mərkəzinə, Nərimanov Rayon Polis İdarəsinə və ya 18-ci Polis Şöbəsinə müraciət edə bilərlər.
Hadisə
- Azərbaycanda əlaçı şagird, olimpiadaların iştirakçısı intihar etdi
- Azərbaycanlı ailənin faciəvi sonu - Əhməd olayına bənzədildi
- Məşhur azərbaycanlı aktrisa vəfat etdi - FOTO
- Anası məktəbdən gələndən sonra Əhməd marketin arxa hissəsindən baltanı götürərək... - ŞOK DETALLAR
- Öldürülən bacı və övladının GÖRÜNTÜLƏRİ
- Bakıda öldürülən qadın məktəb direktoru imiş
Sizin üçün seçdik
İndi oxunanlar
Həftənin hitləri
- Universitet və kolleclərə sənəd verənlərin sayı açıqlandı 1092 dəfə oxunub
- Koronavirus ömrü qısaldır - ARAŞDIRMA 1077 dəfə oxunub
- Məktəb direktoru işdən çıxarıldı 1077 dəfə oxunub
- Azərbaycanda əlaçı şagird, olimpiadaların iştirakçısı intihar etdi 1026 dəfə oxunub
- Tarkan sevənlərinə MÜJDƏLİ XƏBƏR - "İnanın ki..." 1018 dəfə oxunub