Mynews.az
MƏNİM XƏBƏRLƏRİM

Bakıda qızcığaz son anda itlərdən xilas edildi

Oktyabrın 12-də Bakıda, Mircəlal küçəsi 16 ünvanında körpə qız uşağı tapılıb. 

Mynews.az-ın məlumatına görə, bu barədə Oxu.Az-a açıqlamasında Azərbaycan Uşaqlar Birliyinin Sığınacağının koordinatoru Vasif Akifli bildirib.

Onun sözlərinə görə, hadisə səhər saat 05:00 radələrində baş verib: 

“Ərazidə yaşayan vətəndaş küçədə itlərin hürüşməsini və bu zaman uşaq ağlaması səsi eşidib. Oraya gələn zaman uşağın itlərin əhatəsində qaldığını görüb və onu xilas edib. Azyaşlı Nəsimi rayon Polis Bölməsinə gətirib. O Azərbaycan Uşaqlar Birliyinin Sığınacağına yerləşdirilib”. 

Vasif Akifli bildirib ki, uşağın kimliyi məlumdur: 

“Onun ailəsini tapmaq üçün Xoşqədəm Hidayətqızının “Səni axtarıram” proqramına müraciət edilib. Ailəsi tapılıb və uşaq haqqında məlumatlar əldə edilib. Balaca qızcığazın iki yaşlı Lalə olduğu məlum olub.

Ailə bildirdi ki, uşaq oğurlanıb, bununla bağlı polisə müraciət ediblər. Amma uşağın qəyyumu olan anası ortalıqda yoxdur. Onun Laləni dünyaya gətirən zaman psixoloji problem yaşadığı və müalicə aldığı bildirilir. Biz uşağın oğurlanmasına inanmırıq. Artıq məsələ ilə bağlı hüquq-mühafizə orqanları da iş aparır”.

Sığınacağın koordinatoru qeyd edib ki, hazırda uşağın vəziyyəti stabildir. 

Whatsapp

Sizin üçün seçdik

Həftənin hitləri

loading...