Əri tərəfindən polis şöbəsində öldürülən qadının səs yazısı yayıldı
Sentyabrın 30-da Nizami Rayon Polis İdarəsinin (RPİ) 24-cü Polis Şöbəsində polis əri tərəfindən qətlə yetirilən Xanım Məmmədovanın səs yazısı üzə çıxıb.
Mynews.az xəbər verir ki, oxu.az-ın əldə etdiyi səs yazısında dayısı qızı ilə danışan X.Məmmədova həyat yoldaşı İ.Məmmədovun ona qarşı zor tətbiq etdiyini deyir:
“Sona, salam. Axşamın xeyir. Neçə vaxtdır, elə onunla tanış olduğum gündən bu vəziyyətdəyəm. Son vaxtlar da münasibətimiz, danışıqlarımız, davranışlarımız lap pisdir. Yəni, onun davranışı. Bu gün artıq son idi. İşdən yarımçıq gəldi evə, döydü, söydü, çırpdı, vurdu, nə bilim telefonu əlimdən aldı. Başımı çırpdı divara, “şifonerə”, yerə, nə bilim, şillə, təpik yumruq… Dedim İsmayıl, uşaqları da götürüb çıxıb gedəcəyəm. Telefonu əlimdən aldı, nömrəni qırdı ki, heç kimə zəng edə bilməyim. Qapını da çöldən bağlayıb işə getdi. Ürəyim partlayırdı. Bilmədim, kimə necə xəbər verim, buradan uşaqlarla necə çıxım. Təzə evə köçmüşdük “Neftçilər”ə. Birdən o gedəndən sonra yadıma düşdü ki, bir açar qoymuşdum “sumka”ma. Qapını açdım, uşaqları geyindirib tez çıxdım.
Taksi axtardım ki, Biləcəriyə gedim. Məni görüb aparmaq istəmədi, qorxdu. Dedim, nə qədər istəsən, verəcəyəm, bircə məni apar. Razılaşdı”.
X.Məmmədova səsin davamında problemin qaynaqlandığı səbəbi də qeyd edib:
“Söhbət də onun üstündə oldu ki, Vaqifin məktəbi başladı. Uşağın məktəbi başlayandan bizim problemlərimiz var. Müəllimə “WhatsApp” qrup açıb. Allah kömək olmuş mənə “Iphone” telefon alıb, içində “YouTube”dan başqa heç nə yoxdur. Özünün ayrı bir nömrəsinə “WhatsApp” yükləyib. Mən də müəllimə demişəm ki, sal bu nömrəni qrupa mənim də məktəbdən xəbərim olsun. Müəllimə də demişəm ki, guya öz nömrəmdir”.
Səs yazısının X.Məmmədovaya aid olmasını onun qardaşı Aqil Əliyev təsdiq edib.
Qeyd edək ki, Xanım Məmmədova sentyabrın 30-da Nizami Rayon Polis İdarəsinin (RPİ) 24-cü Polis Şöbəsində Post Patrul Xidmətinin əməkdaşı, polis nəfəri İsmayıl Məmmədov tərəfindən şəxsi münasibətlər zəminində aralarında yaranan münaqişə zamanı xidməti silahla qətlə yetirilib. İ.Məmmədov işdən çıxarılıb, onun barəsində həbs qətimkan tədbiri seçilib.
Hadisə
- Qəbələdə dəhşət: 18 yaşlı qız tövlədə özünü asdı
- Azyaşlı qızını öldürməkdə şübhəli bilinən atanın saxlanılma anı - VİDEO
- Azərbaycanda əlaçı şagird, olimpiadaların iştirakçısı intihar etdi
- Azərbaycanlı ailənin faciəvi sonu - Əhməd olayına bənzədildi
- Məşhur azərbaycanlı aktrisa vəfat etdi - FOTO
- Anası məktəbdən gələndən sonra Əhməd marketin arxa hissəsindən baltanı götürərək... - ŞOK DETALLAR
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1124 dəfə oxunub
- Aytən Səfərova ağır qəzaya düşdü 1112 dəfə oxunub
- Nar-dan xüsusi təklif: 10%-dək endirimlə smartfon! 1112 dəfə oxunub
- Fransa Azərbaycandakı səfirini geri çağırıb 1108 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 1002 dəfə oxunub