Polis vətəndaşı döyə-döyə şöbəyə aparıb? - RƏSMİ CAVAB
"Röyal Qasımovun Şirvan şəhər Polis Şöbəsinin əməkdaşları barəsində irəli sürdüyü iddialar böhtan xarakterlidir və həqiqətləri əks etdirmir”.
Mynews.az xəbər verir ki, bu sözləri azxeber.com-a Daxili İşlər Nazirliyinin mətbuat xidmətinin Şirvan regional qrupunun baş inspektoru, polis baş leytenantı Nizam Həmidov deyib. Onun sözlərinə görə, adı çəkilən şəxsin polis tərəfindən döyülməsi ilə bağlı şəhər prokurorluğuna müraciəti də rədd edilib:
"Bildirmək istəyirəm ki, Şirvan şəhəri Hacıqəhrəmanlı qəsəbə sakini R.Qasımov 2021-ci ilin sentyabr ayının 26-da tanışı X.İsmayılov ilə birlikdə Kür çayının qəsəbə yaxınlığından keçən hissəsindən vətəndaş E.Zeynalova məxsus su motorunu oğurlayaraq, zərərçəkmişə 900 manat məbləğində maddi ziyan vurublar.
Həmin oğurluq faktı ilə əlaqədar hər iki şəxs barəsində Cinayət Məcəlləsinin 177.2.1-ci maddəsi ilə cinayət işi açılıb, ötən il oktyabrın 4-də təqsirləndirilən şəxs qismində cəlb edilərək, barələrində polisin nəzarəti altına vermə növündə qətimkan tədbiri seçilib.Ötən il dekabrın 29-da isə cinayət işi tərtib olunmuş ittiham aktı ilə birlikdə Şirvan şəhər Məhkəməsinə göndərilib.
Bu il yanvarın 8-də isə şəhərin Hacıqəhrəmanli qəsəbəsi ərazisində yerləşən evlərin birində oğurluq hadisəsi baş verib. Həmin hadisə ilə bağlı şöbə əməkdaşları R.Qasımovu izahat almaq məqsədilə Şirvan ŞPŞ-nə dəvət etsələr də, o, polisin qanuni tələbinə tabe olmayıb, səs-küy salaraq ətrafdakıların diqqətini özünə çəkməyə çalışıb. Şöbə əməkdaşları tərəfindən R.Qasımov şöbəyə gətirilib və barəsində İnzibati Xətalar Məcəlləsinin 535.1-ci maddəsi ilə protokol tərtib olunaraq şəhər məhkəməsinə göndərilib. Məhkəmənin qərarı ilə o, 120 manat məbləğində cərimə olunub.
Bundan narazı qalan vətəndaş R.Qasımov polis əməkdaşlarının onun evinə daxil olmaları, ona fiziki zor tətbiq etmələri, polis şöbəsində döyülməsi və sənədləri zorla imzalamasıyla bağlı iddialarla Şirvan şəhər Prokurorluğuna rəsmi müraciət edib. Lakin irəli sürdüyü iddialar öz təsdiqini tapmadığından şəhər prokurorluğunda cinayət işinin başlanması rədd edilib”.
Qeyd edək ki, Röyal Qasımov mediaya açıqlamasında bildirib ki, şəhər Polis Şöbəsinin əməkdaşları yanvarın 8-də onun evinə daxil olublar. Onun sözlərinə görə, polis əməkdaşları R. Qasımovu həyat yoldaşı və azyaşlı uşaqlarının yanında döyərək şöbəyə aparıblar.
Hadisə
- Qəbələdə dəhşət: 18 yaşlı qız tövlədə özünü asdı
- Azyaşlı qızını öldürməkdə şübhəli bilinən atanın saxlanılma anı - VİDEO
- Azərbaycanda əlaçı şagird, olimpiadaların iştirakçısı intihar etdi
- Azərbaycanlı ailənin faciəvi sonu - Əhməd olayına bənzədildi
- Məşhur azərbaycanlı aktrisa vəfat etdi - FOTO
- Anası məktəbdən gələndən sonra Əhməd marketin arxa hissəsindən baltanı götürərək... - ŞOK DETALLAR
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 942 dəfə oxunub
- Faiq Ağayev: "Damlanın dəyişimini çox bəyənirəm" 915 dəfə oxunub
- Qəbələdə dəhşət: 18 yaşlı qız tövlədə özünü asdı 907 dəfə oxunub