Bakının “bərkgedən” restoranından - Şok qadağa
Novxanıda "Amore” restoranı müştərilərə şortik geyinməyi qadağan edib. "Qafqazinfo" xəbər verir ki, sözügedən hadisə bir neçə gündür sosial şəbəkələrdə müzakirələrə səbəb olub. İstifadəçilər restoran sahibinin qərarını gülüşlə qarşılayıblar. Yay fəslində, özəlliklə turistlərin axın etdiyi tanınmış məkanda belə qadağanın olması haqlı olaraq çoxuna inandırıcı gəlməyib.
Biz də məsələni dəqiqləşdirmək üçün restoranın administratoru Zaur Cəfərovla əlaqə saxladıq.
O, "Qafqazinfo”ya açıqlamasında şortik geyinən şəxslərin restorana buraxılmadığını təsdiqləyib:
"Bura ailəvi məkandır, hamı ailə, uşağı ilə gəlib oturur. Narazılıqlar olur, buna görə də qadağa qoymuşuq. Müştərilərimizin 80 faizi bu qaydanı bəyənir, deyirlər çox gözəldir. Təkcə şortiklə gələnləri yox, heyvan gətirənləri də, cavan uşaqları da buraxmırıq. Onlar üçün qıraqda yerlər var, ora getsinlər. Bizim ərazidə çimərlik yoxdu, sırf restorandır. Dənizə girib çimən, daha sonra bizim restorana çimərlik geyimində girmək istəyən şəxs buraxılmır”.
Azərbaycan Turizm İnstitutunun kafedra müdiri Bahadur Bilalov "Qafqazinfo”ya açıqlamasında bildirib ki, bu qadağadan sonra insanlar o məkanı boykot etməlidir: "Bəs orda oturanlar yaxınlıqlarında dənizdə çimənləri görmürlər? Məsələn, "Sun Set”ə girən kimi gətirib stol qoyub deyirlər ki, "yesən də, yeməsən də 10 manatdı”. Bu kimi məsələlər özbaşınalıqdır, bu formada turizmi inkişaf etdirə bilmərik. Prezident sərəncam verir, təşəbbüs göstərir ki, turist axını olsun, ölkəyə xarici valyuta gəlsin. Amma biz bu cür xidmətlərlə bunu bacarmayacağıq. İnsanlar nəyə qadağa qoyduqlarını bilmirlər. Bolqarıstanın Bakı kimi dəniz kənarında yerləşən Varna şəhərində insanlar çimərlik paltarında küçələrdə gəzir, amma heç kim onlara bir söz demir. Azərbaycanda maarifləndirmə işləri aparılmalıdır. Bu nə deməkdir ki, dənizin qırağında şortiklə istirahət mərkəzinin həyətinə girmək olmaz? Bəlkə bir qayda da qoysunlar ki, ora girənlərin gözlərini bağlasınlar. Qoy, dənizdə çimənləri görməsinlər. Onda gedib meşənin içində istirahət mərkəzi açıb ora gələnlərə kostyum geyinməyi tələb etsinlər.
"Amore” sözü tərcümədə məhəbbət deməkdir, binanın da üstünə ürək şəkli çəkiblər. Bu o deməkdir ki, burada sevgililər ola bilər. Bir tərəfdən də qadağa qoyur ki, şortiklə girmək olmaz. Bəlkə də, onlar başqa işlərini bu qadağa altında gizlıdirlər. Azərbaycanda ailəvi istirahət yeri yazılan məkanların əksəriyyəti əxlaqsızlıq yuvasıdır. "Çimərlikdə şortiklə gəzmək olmaz” nonsensdir, yeni Azərbaycansayağı xidmətdir. Bunu paylaşmaq lazımdır ki, qoy xarici ölkələr bizdən nümunə götürsün. Belə "xidmətlər” Azərbaycan turizmini geriyə atır. Bu məkanların absurd qadağalarını mediada, sosial şəbəkələrdə yaymaq lazımdır ki, qoy, insanlar ora getməsin, onlar da gəlirlərindən məhrum olsunlar. Onda nəyə qadağa qoyduqlarını fikirləşərlər”.
Maraqlı
- İbrahim Tatlısəs toyunda qızına görün nə hədiyyə etdi
- Bu tərəvəzdə koronavirusa qarşı maddə tapıldı - Virusun yayılmasının qarşısını alır
- Hansı qan qrupundan olanla evlənsəniz oğlunuz və ya qızınız olar? - MÜTƏXƏSSİS RƏYİ
- Autizmin əsas əlamətləri hansılardır? - AÇIQLAMA
- Cənubi Azərbaycanlıların Vətən sevgisi - VİDEO
- Həkim məsləhəti - Karantin zamanı tez-tez cinsi əlaqədə olun
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 987 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 962 dəfə oxunub
- Nar-dan xüsusi təklif: 10%-dək endirimlə smartfon! 951 dəfə oxunub
- Aytən Səfərova ağır qəzaya düşdü 950 dəfə oxunub
- Fransa Azərbaycandakı səfirini geri çağırıb 947 dəfə oxunub