Ərdoğan Bakıya niyə gəlir?

21:17 18.08.2017

Siyasət

Türkiyə Cumhurbaşqanı Rəcəb Təyyub Ərdoğan 10-11 sentyabrda Azərbaycana gələcək. Səfərin aktuallığını artıran məqamlar hansılardır?

Mynews.az xəbər verir ki, bunu "Atlas" Araşdırmalar Mərkəzinin rəhbəri, siyasi ekspert Elxan Şahinoğlu bununla bağlı öz fikirlərini bölüşüb.

Politoloqun fikrincə, Türkiyə prezidentinin Azərbaycana səfəri zamanı Bakıda müzakirə ediləcək bir neçə məsələ var:

"Birincisi, Bakı-Tiflis-Qars dəmiryolu tamamlanıb. İkincisi, Azərbaycan qazını Türkiyə üzərindən Avropaya daşıyacaq boru xətlərinin inşaatı sürətlə gedir. Üstəgəl, Türkiyə bu layihədə Türkmənistanın iştirakını da arzulayır. Üçüncüsü, Türkiyə ilə Azərbaycan arasında hərbi əməkdaşlığın keyfiyyətcə yeni mərhələyə keçidinə ehtiyac var. Dördüncüsü, Fətullah Gülənin vaxtilə xarici ölkələr içərisində ən güclü şəbəkəsi Azərbaycanda idi, aparılan tədbirlər nəticəsində qol-qanadı qırıldı, ancaq nəfəs aldığına dair Ankaranın şübhələri ola bilər. Fikrimcə, Ərdoğan əməkdaşlıqdakı sadalanan istiqamətləri müzakirə etmək, mövcud durumu dəyərləndirmək və gələcək planlara bir daha göz gəzdirmək baxımından Bakıya gəlir".

MƏNİM XƏBƏRLƏRİM

Siyasət

Sizin üçün seçdik

İndi oxunanlar

Həftənin hitləri

Mynews.az