AŞPA-da ermənilərin dağıtdığı Azərbaycan abidələri ilə bağlı məsələ qaldırılacaq
Avropa Şurası Parlament Asambleyasının (AŞPA) Mədəniyyət, elm, təhsil və media komitəsinin iclasında Azərbaycanın Ermənistan tərəfindən işğal edilmiş ərazilərindəki dağıdılmış abidələr, qaçqın və məcburi köçkünlərin problemləri məsələsi qaldırılacaq.
Mynews.az Trend-ə istinadən bildirir ki, bunu Milli Məclisin Mədəniyyət komitəsinin sədri, Azərbaycanın AŞPA-dakı daimi nümayəndə heyətinin üzvü Rafael Hüseynov deyib.
Bu məsələlərin daim Azərbaycan nümayəndə heyəti tərəfindən qaldırıldığını və bu dəfəki iclaslarda da bu məsələ ilə bağlı fikirlərin söyləniləcəyini deyən R.Hüseynovun sözlərinə görə, AŞPA-nın oktyabrın əvvəllərində keçiriləcək payız sessiyasında Azərbaycanda demokratik institutların fəaliyyəti ilə bağlı məruzə ediləcək. Bundan əlavə, Azərbaycanın Avropa Şurası Nazirlər Komitəsinə sədrlik etdiyi müddətdə gördüyü işlər barədə məruzə də müzakirə olunacaq.
R.Hüseynov qeyd edib ki, sessiya dövründə suallara cavab hissədə Azərbaycan nümayəndə heyətinin üzvləri Avropa Şurasının baş katibi Torbyorn Yaqlanda Ermənistanın Azərbaycana təcavüzü ilə bağlı suallar yönəldəcəklər:
"Bundan başqa, Çex Respublikasının Prezidentinin çıxışı nəzərdə tutulur. Nəzərdə tutmuşuq ki, ona ölkəsinin Azərbaycanla münasibətləri ilə əlaqədar suallar ünvanlayaq. Gündəlikdə Azərbaycanla bağlı mövzular var. Hər dəfə AŞPA-nın sessiyalarında Azərbaycanla bağlı müxtəlif məsələləri qaldırırıq. Bu dəfəki sessiya ərzində də nümayəndə heyəti tərəfindən Azərbaycanla bağlı müxtəlif məsələlər səsləndiriləcək".
Qeyd edək ki, Milli Məclisin Mədəniyyət komitəsinin sədri, Azərbaycanın AŞPA-dakı daimi nümayəndə heyətinin üzvü R.Hüseynov qurumun Mədəniyyət, elm, təhsil və media Komitəsinin iclasında iştirak etmək üçün sentyabrın 21-dən 24-dək Parisdə səfərdə olacaq.
Siyasət
- Fransa Azərbaycandakı səfirini geri çağırıb
- İlham Əliyev 92,12 faiz səslə seçkilərdə liderdir
- "Biz haqq yolunda hər zaman bir-birimizin yanındayıq və yanında olacağıq"
- İlham Əliyev 2022-ci il dövlət büdcəsinin icrası ilə bağlı qanunu təsdiqlədi
- Azərbaycan Prezidenti İlham Əliyev Türkiyə liderinə məktub ünvanlayıb
- Türkiyədə seçki qutularının 97 faizi açılıb - Ərdoğan liderdir - YENİLƏNİR
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 987 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 962 dəfə oxunub
- Nar-dan xüsusi təklif: 10%-dək endirimlə smartfon! 951 dəfə oxunub
- Aytən Səfərova ağır qəzaya düşdü 950 dəfə oxunub
- Fransa Azərbaycandakı səfirini geri çağırıb 947 dəfə oxunub