Jirinovski Azərbaycan-Rusiya-İran əməkdaşlığından danışdı
"Azərbaycan, Rusiya və İran prezidentlərinin istənilən görüşünü alqışlayıram. Ümid edirəm ki, üçtərəfli görüşlər əməkdaşlığın gücləndirilməsinə və yeni qarşılıqlı faydalı razılaşmalara gətirib-çıxaracaq".
Mynews.az-ın məlumatına əsasən, bunu Report-un Rusiya bürosuna müsahibəsində Rusiya Liberal Demokrat Partiyasının (RLDP) lideriVladimir Jirinovski Azərbaycan, Rusiya və İran prezidentlərinin noyabrın 1-də Tehranda keçirilməsi planlaşdırılan görüşünü şərh edərkən deyib.
Onun sözlərinə görə, Avropanın Rusiya ilə dostluq etmək niyyətindən uzaq olduğu məqamda Moskvanın cənub dövlətləri ilə əməkdaşlığı hamı üçün faydalı olacaq: "Rusiyanın texnologiyası, nəqliyyat imkanları, böyük bazarı və bunun qarşılığında Türkiyə, İran və ya Azərbaycan kimi cənub ölkələrinin bütün il boyu təmin edə biləcəyi məhsullar; bu, hamımız üçün üstünlükdür, açıq-aydın faydadır. Elə ona görə də son illərdə ölkələrimiz daha çox əməkdaşlıq edir".
O, Rusiyanın cənub ölkələri ilə tərəfdaşlığının və ya hətta ittifaqının Yaxın Şərqi "sakitləşdirə" biləcəyini vurğulayıb.
Rusiya-Türkiyə əməkdaşlığından danışan V.Jirinovski Rusiyanın həm ideoloji, həm də iqtisadi cəhətdən Türkiyəyə yaxın olduğunu bildirib: "Milyonlarla turistimiz hər il Türkiyənin kurort zonalarına gedir, Türkiyəni ən son silahlarla təchiz edirik və ümumilikdə Türkiyə hökumətinin siyasətini dəstəkləyirik. Öz növbəsində, minlərlə türkiyəli işçi Rusiyada çalışır. Rusiyada Türkiyənin bir çox tikinti şirkətləri fəaliyyət göstərir, Rusiya mağazalarının rəflərində Türkiyə istehsalı olan çoxlu meyvə-tərəvəz var".
O bildirib ki, Avropanın Ankaraya dərs keçdiyi, notasiya oxuduğu, necə yaşamaq lazım olduğunu öyrətməyə çalışdığı məqamda Rusiya Türkiyə ilə qarşılıqlı faydalı əməkdaşlığa hazırdır.
Siyasət
- Fransa Azərbaycandakı səfirini geri çağırıb
- İlham Əliyev 92,12 faiz səslə seçkilərdə liderdir
- "Biz haqq yolunda hər zaman bir-birimizin yanındayıq və yanında olacağıq"
- İlham Əliyev 2022-ci il dövlət büdcəsinin icrası ilə bağlı qanunu təsdiqlədi
- Azərbaycan Prezidenti İlham Əliyev Türkiyə liderinə məktub ünvanlayıb
- Türkiyədə seçki qutularının 97 faizi açılıb - Ərdoğan liderdir - YENİLƏNİR
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 981 dəfə oxunub
- Faiq Ağayev: "Damlanın dəyişimini çox bəyənirəm" 947 dəfə oxunub
- Qəbələdə dəhşət: 18 yaşlı qız tövlədə özünü asdı 937 dəfə oxunub