Səfir: Deputatların Qarabağa səfəri Meksika hökumətinin mövqeyini əks etdirmir
“Meksika qanunverici hakimiyyətinin üzvlərinin Dağlıq Qarabağa səfəri tam müstəqil şəkildə həyata keçirilib və onların bu addımı Meksika hökumətinin rəsmi mövqeyini əks etdirmir”.
Bunu Meksika Birləşmiş Ştatlarının Azərbaycandakı səfiri Xuan Rodriqo Labardini Flores Oxu.Az-a açıqlamasında deyib.
Səfir bildirib ki, Meksika hökuməti qeyd olunan səfər barəsində əvvəlcədən xəbər almayıb.
“Əlbəttə ki, Meksika hökuməti münaqişənin sülh yolu ilə, tərəflər arasında danışıqlar vasitəsilə həll olunmasını dəstəkləyir. Biz Azərbaycan və Ermənistanı ATƏT-in Minsk qrupunun həmsədrləri vasitəsilə münaqişənin həll olunmasına çağırırıq. Meksika hökuməti bu münaqişənin beynəlxalq hüquq çərçivəsində həll olunmasını dəstəkləyir. Biz istəyirik ki, BMT-nin Təhlükəsizlik Şurasının müvafiq 4 qətnamələri icra olunsun. Bu qətnamələr özlərində münaqişə zonasında atəşkəsə riayət olunmasını, Azərbaycanın ərazi bütövlüyü və suverenliyinə hörməti əks etdirir və biz də bunun tərəfindəyik”, - deyə Flores bildirib.
Səfir qeyd edib ki, Meksika hökuməti deputatların qanunsuz səfəri ilə bağlı məsələləri nəzarətə götürüb və araşdıracaq.
Xatırladaq ki, Meksika parlamentində Ermənistanla dostluq qrupunun rəhbəri Cuata Dominqez Blanca Marqarita, həmin qrupun üzvü Garcia Bravo Maria Cristina Teresa və onları müşayiət edən digər şəxsin Azərbaycanın Ermənistan silahlı qüvvələri tərəfindən işğal olunmuş ərazilərinə qanunsuz səfər ediblər. Hazırda Azərbaycan XİN-də məsələ ilə bağlı araşdırma aparılır.
Siyasət
- Fransa Azərbaycandakı səfirini geri çağırıb
- İlham Əliyev 92,12 faiz səslə seçkilərdə liderdir
- "Biz haqq yolunda hər zaman bir-birimizin yanındayıq və yanında olacağıq"
- İlham Əliyev 2022-ci il dövlət büdcəsinin icrası ilə bağlı qanunu təsdiqlədi
- Azərbaycan Prezidenti İlham Əliyev Türkiyə liderinə məktub ünvanlayıb
- Türkiyədə seçki qutularının 97 faizi açılıb - Ərdoğan liderdir - YENİLƏNİR
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 943 dəfə oxunub
- Faiq Ağayev: "Damlanın dəyişimini çox bəyənirəm" 916 dəfə oxunub
- Qəbələdə dəhşət: 18 yaşlı qız tövlədə özünü asdı 908 dəfə oxunub