ABŞ dövlət katibindən Dağlıq Qarabağ açıqlaması

15:34 07.12.2017

Siyasət

"ABŞ Ermənistan-Azərbaycan, Dağlıq Qarabağ münaqişəsinin sülh yolu ilə həll edilməsi üçün ATƏT-in Minsk qrupunun səylərini dəstəkləyir".

Mynews.az Report-a istinadən xəbər verir ki, bunu ABŞ dövlət katibi Reks Tillerson ATƏT-ə üzvü olan ölkələrin Xarici İşlər Nazirləri Şurasının Vyanada keçirilən illik iclasında deyib.

Dövlət katibi Azərbaycan və Ermənistan prezidentlərinin keçirdikləri görüşlərin ardından danışıqların intensivləşdirilməsi və qoşunların təmas xəttində gərginliyin azaldılmasına istiqamətlənmiş öhdəliklər götürməsindən məmnunluğunu dilə gətirib.

"Yalnız siyasi iradə ilə substantiv irəliləyişə nail olmaq mükündür. Bu baxımdan, bu istiqamətdə prosesləri sürətləndirmək barədə dünən verilən qərarı alqışlayırıq", - R.Tillerson bildirib.

Qeyd edək ki, ATƏT-in iclasında Azərbaycanın xarici işlər naziri Elmar Məmmədyarov da daxil olmaqla, 40-dan çox XİN başçısı iştirak edir.

MƏNİM XƏBƏRLƏRİM

Siyasət

Sizin üçün seçdik

İndi oxunanlar

Həftənin hitləri

Mynews.az