Mynews.az
MƏNİM XƏBƏRLƏRİM

Elman Rüstəmov: Devalvasiya üçün heç bir əsas yoxdur

Xarici ticarət tərəfdaşlarımızı izləyirik ki, onların valyuta məzənnələrində olan dəyişikliklər psixoloji olaraq 0,2 və ya 0,3 faiz dərəcəsində müəyyən volatillik yarada bilir.

Mynews.az xəbər verir ki, bunu Azərbaycan Mərkəzi Bankının İdarə Heyətinin sədri Elman Rüstəmov deyib:

“Amma bu, ciddi bir şey deyil. Manatın rəsmi məzənnəsi sabitdir. Biz bankların bütün tələbatlarını ödəyirik. Ölkəyə kifayət qədər nağd valyuta gətirilib. Nağd valyutaya olan istənilən tələbatı ödəməyə hazırıq.

Biz bu tələbatı ödəyirik və ödəyəcəyik. Məzənnədə tərəddüd üçün heç bir əsas yoxdur. Bir daha bildirirəm ki, ümumi iqtisadiyyat sabitdir. Milli valyutamızın da sabitliyi bu gün çox möhkəm makroiqtisadi dayaqlar üzərindədir. Devalvasiya, manatın zəifləməsi üçün heç bir əsas yoxdur.

Hamını sakitliyə çağırıram. Biz arzu edirik ki, qonşu ölkələrimizdə də bundan sonra hər şey qaydasına düşsün”.

Whatsapp

Sizin üçün seçdik

Həftənin hitləri

loading...