Ermənilərin açdığı atəş nəticəsində kombayna - 10-dək güllə dəyib / FOTOLAR

20:09 29.05.2018

Siyasət

Ermənilərin açdığı atəş nəticəsində kombayna 10-dək güllə dəyib.

Mynews.az-ın apa.az-a istinadən verdiyi xəbərə görə, Ermənistan silahlı qüvvələrinin Füzulirayonunun Əbdülrəhmanlı kəndi ərazisində atəşə tutduğu kombaynı idarə edən Veysəlli kənd sakini, 1988-ci il təvəllüdlü Həsənov Taleh Kamandar oğlu bildirib ki, taxıl zəmisində biçin işləri aparan zaman ermənilərin atəşinə məruz qalıb.

Sürücü güllələrdən qorunmaq üçün nisbətən təhlükəsiz əraziyə çəkilə bilib. Lakin ermənilərin atdığı güllələr texnikaya ziyan vurub.

Qeyd edək ki, bu gün Müdafiə Nazirliyinin yaydığı məlumatda bildirilib ki, mayın 29-da səhər saatlarında Ermənistan silahlı qüvvələrinin bölmələri Füzuli rayonunun işğal olunmuş Qorqan kəndi istiqamətində yerləşən mövqelərindən taxıl sahəsində kənd təsərrüfatı işləri yerinə yetirən kombaynı atıcı silahlardan atəşə tutub.

Xəsarət alan yoxdur. Kənd təsərrüfatı texnikasına ziyan dəyib.

MƏNİM XƏBƏRLƏRİM

Siyasət

Sizin üçün seçdik

İndi oxunanlar

Həftənin hitləri

Mynews.az