Milli Məclisin plenar iclasının gündəliyinə 24 məsələ daxil edilib

15:34 30.05.2018

Siyasət

Milli Məclisin (MM) sabah keçiriləcək plenar iclasının gündəliyinə 24 məsələ daxil edilib.

Mynews.az-ın məlumatına görə, iclasda müzakirə olunacaq məsələlər arasında “2017-ci ilin dövlət büdcəsinin icrası haqqında” qanun layihəsi də var.

Həmin sənədin müzakirəsində iştirak etmək üçün hökumətin bir sıra üzvləri də dəvət olunub.

Belə ki, müzakirələrdə maliyyə naziri Samir Şərifovun, iqtisadiyyat naziri Şahin Mustafayevin, vergilər naziri Mikayıl Cabbarovun, Gömrük Komitəsinin yeni sədri İbrahim Mehdiyevin və Mərkəzi Bankın İdarə Heyətinin sədri Elman Rüstəmovun da iştirakı nəzərdə tutulur.

Qeyd edək ki, 2017-ci ilin dövlət büdcəsinin icrası haqqında” qanun layihəsində 2017-ci ilin dövlət büdcəsinin gəlirlərinin 16 milyard 516 milyon, xərclər hissəsinin isə 17 milyard 594 milyon manat təsdiq edilməsi təklif olunur.

MƏNİM XƏBƏRLƏRİM

Siyasət

Sizin üçün seçdik

İndi oxunanlar

Həftənin hitləri

Mynews.az