İrəvan bunu etməsə, Qarabağda müharibə başlayacaq - Ermənistandan ETİRAF
Aprelin 28-də Moskvada Azərbaycanın xarici işlər naziri Elmar Məmmədyarov, Ermənistanın xarici işlər naziri Edvard Nalbandyan və Rusiya xarici işlər naziri Sergey Lavrov görüşəcək.
Görüş Dağlıq Qarabağ münaqişəsinin həlli ilə bağlı üçtərəfli format çərçivəsində keçiriləcək.
Üçtərəfli format təklifi Bakı tərəfindən səsləndirilib. İndiyə qədər Ermənistan bu təklifdən imtina etsə də, nəhayət, görüşə razılaşdığı haqda məlumat yayıldı. Lakin “Qraparak” qəzeti bu gün diplomatik mənbəyə istinadən görüşün olmayacağını yazdı. Bu informasiyadan bir neçə saat sonra Rusiya Xarici İşlər Nazirliyi rəsmi açıqlama yayaraq, görüşün aprelin 28-də keçiriləcəyini açıqladı.
İrəvan üçtərəfli formatdan qaçır və daha çox Minsk qrupu çərçivəsinə üstünlük verir. Buna səbəb Rusiyanın üçtərəfli format çərçivəsində Ermənistanı münaqişənin həllinə məcbur etmək planlarının olmasıdır.
Ermənistanın “lragir” saytı da yazdı ki, İrəvan Moskvanın təzyiqlərindən qaçmaq üçün bu görüşdən imtina edir. Erməni sayt görüşün keçirilməsini isə Bakının diplomatik uğuru olduğunu da vurğuladı.
Artıq rəsmi olaraq görüşün iki gün sonra keçiriləcəyi təsdiqlənib. Ermənistanda görüşlə bağlı bədbin proqnozlar verilir.
Erməni politoloq Stepan Qriqoryan deyir ki, İrəvan Moskvaya qarşı çıxmamaq üçün bu görüşə razılaşdı.
“Lakin görüşdə Ermənistan üçün müsbət nəticələrin olacağını gözləmək lazım deyil. Moskva hansısa güzəştlərin olmasını tələb edəcək, İrəvan güman ki, buna razı olmayacaq. Bu isə cəbhədə yeni eskalasiyanın başlamasına zəmin yarada bilər”, - deyə o bildirib.
Siyasət
- Fransa Azərbaycandakı səfirini geri çağırıb
- İlham Əliyev 92,12 faiz səslə seçkilərdə liderdir
- "Biz haqq yolunda hər zaman bir-birimizin yanındayıq və yanında olacağıq"
- İlham Əliyev 2022-ci il dövlət büdcəsinin icrası ilə bağlı qanunu təsdiqlədi
- Azərbaycan Prezidenti İlham Əliyev Türkiyə liderinə məktub ünvanlayıb
- Türkiyədə seçki qutularının 97 faizi açılıb - Ərdoğan liderdir - YENİLƏNİR
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 971 dəfə oxunub
- Faiq Ağayev: "Damlanın dəyişimini çox bəyənirəm" 938 dəfə oxunub
- Qəbələdə dəhşət: 18 yaşlı qız tövlədə özünü asdı 929 dəfə oxunub