Flora Kərimova od püskürdü - "Minüzlü, yaltaq..." Qalmaqal

Dünən paytaxt məkanlarının birində mətbuatın 142 illiyinə həsr olunmuş tədbirdə xalq artisti Flora Kərimova ilə modelyer Fəxriyyə Xələfovanın köməkçisi arasında xoşagəlməz insident baş verib.

Mynews.z PrimeTime.az-a istinadən verdiyi məlumatına görə, F. Kərimova onun üçün ayrılmış masada xalq artisti Amaliya Pənahova ilə birgə əyləşib. Bir az keçəndən sonra masaya F. Xələfovanın köməkçisi yaxınlaşıb. Müğənninin modelyerlə eyni masada oturacağını görən köməkçi təşkilatçılarla danışaraq, F. Kərimovanın başqa yerə keçirilməsini tələb edib.

Təşkilatçılar isə bundan boyun qaçırıb. Modelyerin köməkçisi bu dəfə xalq artistinə yaxınlaşıb və onunla söhbət etməyə başlayıb. Köməkçinin iradından sonra Flora Kərimova masadan qalxaraq etirazını bildirib və məcburən başqa yerdə əyləşib.

Xatırladaq ki, Flora Kərimovanın Amaliya Pənahova ilə də münasibətləri yaxşı deyil.

Xalq artisti Flora Kərimova baş verən hadisə ilə bağlı Yenicag.az-a açıqlama verib:

"Xasiyyətimdən xəbərsizlər xam xəyala uyub, mənim timsalımda toxunulmazlıq zümrəsi yaratmaq xülyasına düşüblər. Fəxriyyə Xələfovanın işçiləri nə qədər etika çərçivəsində davransalar, öz sahibinə bir o qədər hörmət qazandırmış olarlar".

Sənətkar xalq artisti Amaliya Pənahova ilə münasibətinə də aydınlıq gətirib:

"O ki qaldı kimlərəsə münasibətimə... Mənim təkəbbürlü, özünü millətindən, xalqından üstün tutan minüzlü yaltaqlardan zəndeyi-zəhləm gedir!!! Dostlarım bilir, düşmənlərimə isə dönə-dönə xatırladıram: mənə qarşı zərrə qədər bir kobud cəhd cavabsız qalmayacaq! Bu yaşımda özümü dəyişən deyiləm!!!".