Aşıq Əlinin «Range Rover»i yenə kameraya düşdü - VİDEO

20:46 13.02.2017

Maqazin

Onun sürücülük hüququ məhdudlaşdırılsa da, hələ də maşın sürür

Bu dəfə Avtosfer.az saytının kamerasına son vaxtlar yol polisi ilə qalmaqallar yaşayan aşıq Əliyə məxsus avtomobilin qayda pozuntusu düşüb. Belə ki, fevralın 10-da Bakı Dairəvi yolunda aşıq Əliyə məxsus 10-OD-030 dövlət qeydiyyat nişanlı "Range Rover" markalı avtomobilin kim tərəfindən idarə edilməsi məlum olmasa da, sürücünün qayda pozması kameraya düşüb. Həmin avtomobilin sürücüsü sağa - «Meyvəli» istiqamətinə dönmək üçün sol zolaqdan birbaşa sağa dönərək digər zolaqda hərəkət edən avtomobilə təhlükə yaradıb.

Qeyd edək ki, keçən il aşıq Əli xeyli miqdarda ödənilməyən cəriməsi olduğu üçün sürücülük hüququndan məhrum edilib. Lakin ötən il dekabrın 27-də, saat 19:06-da əməkdaşımız «Qələbə» dairəsindən üzü şəhər istiqamətində hərəkət edərkən həmin avtomobilin sükanı arxasında aşıq Əlinin olduğunu görüb. Aşıq Əli həmin yolla hərəkət edərkən birinci kəsişmədə qarşıdan gələn avtomobillərin yoluna çıxaraq sola hərəkət edib. Hansı ki, orada hərəkət yalnız düzünədir.

MƏNİM XƏBƏRLƏRİM

Maqazin

Sizin üçün seçdik

İndi oxunanlar

Həftənin hitləri

Mynews.az