"Ailə təklifləri var, qızımı köçürüm, daha sonra ..." - Əməkdar artistdən etiraflar - VİDEO
Əməkdar artist Nahidə Orucova yeni imici ilə qatıldığı məclisdə hər kəsin diqqətini öz üzərinə çəkib.
Mynews.az ARB TV-yə istinadla bildirir ki, keçirdiyi xəstəlikdən şikayətlənən aktrisa bütün çətinlikləri geridə qoyduğunu etiraf edib:
"Mən illərlə mədə ağrısından çox böyük əziyyət çəkdim. Bu ağrı mənə çox böyük fəsadlar verirdi. Təzyiqim, şəkərim qalxırdı. Təsəvvür edin, biz İrana getmişik. İşçilərimiz İrandan ədviyyatlar alıb gəlir, mənsə bir çamadan dərmanla geri qayıdırdım. Çox əziyyət çəkirdim. O qədər bezmişdim ki. Dedim buna son qoymalıyam. Nəticədə, mədə əməliyyatı etdirdim".
Aktrisa onlardan nəyisə gizlətməyin mənasız olduğunu söyləyib:
"Mən bu gün sağlamamsa, kinolarımda, səhnədə hər kəs bunu görür. Mən həmişə göz önündəyəm. Hamı görür ki, indi heç bir fəsad yoxdur. Əksinə özümü çox sağlam hiss edirəm. O qədər yüngülləşmişəm. Qanadım yoxdur uçmağa".
Nahidə Orucova ona arıqlaması ilə bağlı ünvanlanan sualları belə cavablandırıb:
"Sosial şəbəkələrdə mənə yazıb sual verirlər ki, Nahidə xanım, necə gözəl arıqlamısınız. Hansı pəhrizdən istifadə etmisiniz, kiminlə işləyirsiniz? Vaxtilə dietoloq Leyla Zülfüqarovayla işləmişəm. Ancaq mənim vaxtım olmadığına görə sistemli pəhriz saxlaya bilmirdim. Mən hamıya deyirəm ki, əməliyyat olunmuşam".
Əməkdar artist hələlik sevgi barədə heç nə düşünmədiyini, ancaq qızını köçürdükdən sonra bu haqda fikirləşəcəyini söyləyib:
"Ailə təklifi var. Ancaq irəlidə mənim hələ qızım var. Mən əvvəl qızımı köçürməliyəm. 28 yaşımda qızım var. Əvvəl qızımı köçürüm, sonra özüm barədə düşünərəm. Həyatda hər şey ola bilər".
Aktrisa həyatda deyil, ancaq səhnədə oynadığını xüsusi vurğulayıb:
"Səhnədə oynayıram. Həyatda heç vaxt oynamıram. Çünki mən elə aktrisalardan deyiləm ki, həyatda oynayım. Həyatda necə varamsa, eləyəm. Ümumiyyətlə, səhnədə də çalışıram ki, özümü oynayım.
Nahidə xanım teatrdakı rollarından əlavə bədii film və serial təklifləri aldığını desə də, tam açıqlama verməyib:
"Hazırda, teatrda gözəl tamaşalar üzərində işləyirik. Kino və serial təkliflərim var. Əvvəl deyirdim. İndi düşünürəm ki, qabaqcadan demək mənə düşmür. Efirə çıxar camaat görər. Mən həmişə göz özündə olmuşam. Yeni nələrsə olarsa, tamaşaçıların xəbəri olacaq. Hamını teatra dəvət edirəm".
Maqazin
- Faiq Ağayev: "Damlanın dəyişimini çox bəyənirəm"
- ANS-in keçmiş aparıcısı həmcinsi ilə nişanlandı - FOTO
- Tarkan sevənlərinə MÜJDƏLİ XƏBƏR - "İnanın ki..."
- Tanınmış aparıcı 3 il sonra efirə qayıtdı - Bu kanalda çalışacaq (FOTO)
- Nüşabə Musayeva - “Röya məni təhdid edə bilməz”
- Demet Akalın həbs edilən Dilan Polad haqda - "Bu səbəbdən ondan uzaqlaşdım"
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 901 dəfə oxunub
- Faiq Ağayev: "Damlanın dəyişimini çox bəyənirəm" 586 dəfə oxunub
- Qəbələdə dəhşət: 18 yaşlı qız tövlədə özünü asdı 578 dəfə oxunub