Aktyordan ŞOK SÖZLƏR - “Ombamı hər kəsə...” - FOTO

20:12 12.10.2017

Maqazin

“Taxt oyunları” serialında baş rolu canlandıran Kit Harrinqton əjdahaların anası, aktrisa Emilia Klark ilə necə tanış olmasından danışıb.

Publika.az xəbər verir ki, verilişlərin birində qonaq olan sənətçi xatirələrini belə canlandırıb:

“Emilia ilə tanış olmağımız dünənki kimi yadımdadır. Birinci mövsümdən öncə Belfastda bir hotelin barında idi. Orada bu gözəllər gözəli qızı görəndən sonra ağzım açıq qaldı. Zarafat anlayışı da o qədər gözəl idi ki, tez bir zamanda yaxın dost olduq”.

Serialın yayımlanan son seriyasında həmkarı ilə sevişmə səhnəsinə çəkilən Kit ombasına gələn təriflərdən də söz açıb. O bildirib ki, ombasının belə gözəl görünməsi üçün xeyli məşq edib: “Əgər 60 milyon insan ombanızı görəcəksə, buna hazır olmalısınız. Ona görə mən də tapşırığımı yaxşı yerinə yetirdim”.

K.Harrinqtonun “Ombanızın hamının xoşuna gəlməsi sizi narahat etmir ki?” sualına verdiyi cavab isə sosial mediada xeyli müzakirə olunub. O, aparıcıya gülərək belə cavab verib: “Yox, niyə narahat etsin ki? Ombamı hər kəsə göstərərəm”.

Qeyd edək ki, “Taxt oyunları” serialı ilə ulduzu parlayan aktyor serialda tanış olduğu Roz Lesli ilə nişanlıdır.

MƏNİM XƏBƏRLƏRİM

Maqazin

Sizin üçün seçdik

İndi oxunanlar

Həftənin hitləri

Mynews.az