İdmançı Kamil Zeynallı və xanım jurnalistin məhkəməsi başa çatdı
Ali Məhkəmədə idmançı Kamil Zeynallı və jurnalist Əfruzə Ağayeva arasındakı çəkişməli məhkəmə prosesi başa çatıb.
Mynews.az oxu.az-a istinadən xəbərinə görə, bu barədə Kamil Zeynallının vəkili Asif Abdullayev özünün “Facebook” səhifəsində məlumat verib.
Vəkil qeyd edib ki, Ali Məhkəmə Apellyasiya Məhkəməsinin qətnaməsini dəyişdirmədən saxlayıb:
“Məhkəmənin qərarına əsasən, Əfruzə Ağayeva Kamil Zeynallıdan üzr istəməli və ona 1000 manat məbləğində təzminat ödəməli, eyni zamanda, Kamil Zeynallı təkzib verməli və Əfruzə Ağayevaya 1000 manat təzminat ödəməli olacaq”.
Xatırladaq ki, idmançı K.Zeynallı aparıcı Şəbnəm Hüseynovanı sosial şəbəkələrdə küçə söyüşləri ilə təhqir etmişdi. Ş. Hüseynova isə sosial şəbəkədə “Kamilin söydüyü söyüşlər onun nəslindəki qadınlara getsin” cavabı yazmışdı.
Jurnalist Ə.Ağayeva həmin statusu xəbər kimi hazırlamış, bundan sonra K.Zeynallı Ə. Ağayevanı da küçə söyüşləri ilə təhqir etmişdi.
Əfruzə Ağayeva Kamil Zeynallıya qarşı iddia qaldıraraq, dəyən mənəvi ziyana görə 50 min manat ödəməsini və “Instagram”da təkzib verilməsini istəmişdi. Kamil Zeynallı qarşılıqlı iddia qaldıraraq qərəzli material hazırladığı üçün jurnalistdən dəyən mənəvi ziyana görə 100 min manat ödəməsini və ondan üzr istəməsini tələb etmişdi.
Maqazin
- Tarkan sevənlərinə MÜJDƏLİ XƏBƏR - "İnanın ki..."
- Tanınmış aparıcı 3 il sonra efirə qayıtdı - Bu kanalda çalışacaq (FOTO)
- Nüşabə Musayeva - “Röya məni təhdid edə bilməz”
- Demet Akalın həbs edilən Dilan Polad haqda - "Bu səbəbdən ondan uzaqlaşdım"
- Azəri qızı Günel Ebru Gündeşə od püskürdü
- Məşhur aktrisa əri haqda yayılan xəyanət iddialarına son qoydu
Sizin üçün seçdik
İndi oxunanlar
Həftənin hitləri
- “Nar” ilə səyahətdə WhatsApp-da pulsuz yazış! 953 dəfə oxunub
- Emin Ağalarov söz verdi 952 dəfə oxunub
- Moskvada daha bir DƏHŞƏT 951 dəfə oxunub