"Allah bilir, mən hansı hisslər keçirirəm" - xanəndə Aygün Bayramova
Ağdamın işğal altında olmayan ərazilərində keçirilən tədbirlərdən qayıdıb Bakıya gələndə neçə gün özümdə olmuram, ürəyim az qala partlaya.
Mynews.az oxu.az-a istinadən bildirir ki, bunu əslən qarabağlı olan tanınmış xanəndə, Xalq artisti Aygün Bayramova dilə gətirib.
"Bildiyiniz kimi, mən dünyaya Qarabağımızın dilbər guşələrindən olan Ağdamda göz açmışam, eyni zamanda, məhz Ağdamda doqquz yaşından bu sənətə gəlmişəm. O günlərimi xatırlayanda gözlərim dolur, göz yaşlarıma hakim ola bilmirəm. Çünki ifam orada başlayıb. Oradan başlamışam oxumağa", - deyən A. Bayramovanın sözlərinə görə, indi Ağdam, Qarabağ haqqında keçmiş zamanda danışmaq, ağdamsızlıq, qarabağsızlıq ona çox ağır gəlir:
"O torpaqda böyümüşəm, o torpaqda dünyaya göz açmışam, oranın suyunu içmişəm, havasını udmuşam, çörəyini yemişəm. İndi bu haqda danışmaq mənim üçün çox çətindir. Ağdamda tədbirlər olan vaxt, inanın ki, bir Allah bilir, mən hansı hisslər keçirirəm. Oradan qayıdıb gələndə günlərlə özümdə olmuram. Həm də orada olarkən yalnız bir hiss beynimdən keçir, yəni, bu saat avtomatı əlimə alıb, erməniləri öldürəcəyəm. Bu hissdən başqa, məndə ayrı hiss olmur".
A. Bayramova inanır ki, çox yaxın zamanlarda yenə o torpaqlara qayıdacağıq, torpaqlarımız murdar erməni işğalından azad olunacaq.
"Özü də ermənilər çox qorxaq və həyasız millətdirlər. Onlar hələ də yalanlarla məşğuldurlar. Ancaq Qarabağ heç zaman onların olmayıb və olmayacaq da. Ağdamın, Qarabağın işğaldan azad edildiyini də eşitmək bir ağdamlı, bir qarabağlı kimi mənim üçün çox böyük bayram olar. Torpaqlarımız işğaldan azad olunsun, o cümlədən, mənim doğulduğum Ağdam torpağı, vallah, qarış-qarış gəzərəm oranı, ayaqyalın gedərəm oralara. "Qarabağ şikəstəsi" ilə bu sənətə gəlmişəm, elə oradaca ilk olaraq "Qarabağ şikəstəsi"ni oxuyaram. Dizlərimi yerə qoyardım, torpağımı öpərdim...", -deyə Xalq artisti bildirib.
Maqazin
- Tarkan sevənlərinə MÜJDƏLİ XƏBƏR - "İnanın ki..."
- Tanınmış aparıcı 3 il sonra efirə qayıtdı - Bu kanalda çalışacaq (FOTO)
- Nüşabə Musayeva - “Röya məni təhdid edə bilməz”
- Demet Akalın həbs edilən Dilan Polad haqda - "Bu səbəbdən ondan uzaqlaşdım"
- Azəri qızı Günel Ebru Gündeşə od püskürdü
- Məşhur aktrisa əri haqda yayılan xəyanət iddialarına son qoydu
Sizin üçün seçdik
İndi oxunanlar
Həftənin hitləri
- “Nar” ilə səyahətdə WhatsApp-da pulsuz yazış! 975 dəfə oxunub
- Emin Ağalarov söz verdi 975 dəfə oxunub
- Moskvada daha bir DƏHŞƏT 973 dəfə oxunub