"Ailəmlə çox gözəl münasibətim var" - Samir

19:48 19.02.2018

Maqazin

Müğənni Samir Cavadzadə həmkarı Nura Surinin onun haqqında səsləndirdiyi fikirlərə münasibət bildirib.

Mynews.az axşam.az-a istinadən xəbər verir ki, ifaçı "ATV Maqazin onlarla" verilişində Nuranın ittihamlarına belə cavab verib:

"İllər boyu adıma "tənbəl" sözünü çıxaranlar da elə mənim dostlarım olub. Bunu tamaşaçı etməyib. "Samir tənbəldir" sözünü camaata yeridiblər. Mən mahnı seçimində kaprizliyəm. Bir müddət səhnədən uzaq düşməyim öz seçimim olub. "Anasına zəng eləmir" deyir. Mənim anama zəng etməməyimi deməsi düz çıxmır, bunu səhv başa düşə bilərlər. Mənim ailəmlə çox gözəl münasibətim var. Nuranın ö sözündən sonra elə birinci anam mənə zəng vurdu. Ailəmin bura nə aidiyyatı var anlamadım. Bu sözlərinin üstündən 20-25 dəqiqə keçdi mənə yazdı ki, sən haqqımda çox pis danışdın. Bəs sən mənə qarşı pis danışmadın? O iki kəlmən olmasaydı, mən heç sənə cavab verməyəcəkdim. Heç kim haqda indiyədək artıq söz danışmamışam.

Xatırladaq ki, Nura "ATV maqazin onlarla" verilişində Samirin ünvanına bu sözləri demişdi: "Yenə itib. Bu dəfə mən də onu axtarmayacam. İtməyinin səbəbi yoxdur. Səbəb yoxdur, olsaydı bilərdim və dillənməzdim. Bu insan öz anasına, bacısına da zəng etmir. Öz aləmində yaşayan insandır".

MƏNİM XƏBƏRLƏRİM

Maqazin

Sizin üçün seçdik

İndi oxunanlar

Həftənin hitləri

Mynews.az