Səidə Sultan: Müqəddəs yerini qorumayan kişiciklərin sayı çoxalıb

13:47 04.10.2018

Maqazin

Müğənni Səidə Sultan sosial media hesabındakı statusu ilə diqqət çəkib.

Mynews.az xəbər verir ki, ifaçı ölkədə və cəmiyyətdə baş verən hadisələrdən gileylənərək, etirazını ifa edib.

“Biz bu gedişlə hara gedirik? İnsanlar aqressivləşib, “Instagram”a girmək olmur, adam iyrənir. Doğmasına əl atan oğraşlar haqqında yazılarla tez-tez rastlaşırıq.

Müqəddəs yerini qorumayan kişiciklərin sayı çoxalıb. Çoxları da yerini bilmir, həddini aşır.

Onlara da yerlərini göstərməyib dəstək verənlərin sayı çoxalıb.

Avtobuslarda yer üstündə bir-birini didən insanlar, dərman atıb “kayfa düşən” taksi, avtobus sürücüləri çoxalıb.

Boş-boş, mənasız, maraqsız söhbətlər, yazılar çoxalıb. Kişilərin qadınların haqqını əzməyi çoxalıb.

Musiqimizi zövqsüz edib, insanların zövqünü pozan müğənnilərin sayı çoxalıb.

Özünə qiymət qoyub özünü satan qadınlar, pula görə şərəfini, mənliyini satanlar çoxalıb.

Pul naminə “Instagram”da kökü bəlli olmayan insanların reklamını yayanların sayı çoxalıb.

Nə isə sübut edirmiş kimi, xalqa özlərini adam kimi sırıyan şou əhlinin sayı çoxalıb. Allahı unudub caduda təsəlli tapanlar çoxalıb.

Mədəniyyətsiz insanlar, özlərindən xəbəri olmayan, ona-buna söz atan, haqqına girən şərəfsizlərin sayı çoxalıb. Əri ola-ola min hoqqadan çıxan qadınların sayı çoxalıb”, - deyə Səidə bildirib.

MƏNİM XƏBƏRLƏRİM

Maqazin

Sizin üçün seçdik

İndi oxunanlar

Həftənin hitləri

Mynews.az