Təhsil naziri: Xarici dillərin tədrisinə ayrılan saatlar artırılmalıdır
“Azərbaycanda fənn kurrikulumlarının valideynlər tərəfindən mənimsənilməsi üçün maarifləndirmə işi gücləndirilməlidir”.
Mynews.az-ın APA-ya istinadən verdiyi məlumata görə, bunu təhsil naziriMikayıl Cabbarov Heydər Əliyevin anadan olmasının 94-cü ildönümü münasibətilə təşkil olunmuş “Ən yaxşı təqdimat” müsabiqəsi qaliblərinin mükafatlandırılması mərasimində çıxışı zamanı deyib.
O bildirib ki, məktəb proqramları vaxtaşırı yenilənməli, şagirdlərə elmlərin əsasları dərindən öyrədilməli, məktəblərdə alınan biliklər həyatda tətbiq edilməlidir.
Nazir qeyd edib ki, ölkədə ibtidai təhsildə məntiqli düşüncə, ümumi savad və həyati vərdişlərin öyrədilməsinə, ana dili və riyaziyyatın tədrisinə önəm verilməlidir. Onun sözlərinə görə, xüsusi diqqət xarici dillərin tədrisinə də yönəlməli, onlara ayrılan saatlar artırılmalıdır:
“Qloballaşma şəraitində gənclərin bir neçə dili bilməsi əhəmiyyətlidir. Bu gün iş yerlərini İKT olmadan da təsəvvür etmək mümkün deyil. Beynəlxalq araşdırmalarla müəyyən edilib ki, kütləvi İKT savadlılığının ölkəyə verdiyi xeyir sənaye sahəsinin verdiyi xeyirdən bir neçə dəfə çoxdur.
Buna görə, İKT bacarıqları insanın inkişafı üçün aparıcı amillərdən hesab edilir. Gənclərin vətəndaş kimi formalaşmasında, hər bir məktəblinin vətənə məhəbbət hissi, xalqın rifahı naminə fədakarlıqla çalışmaq əzmi ruhunda tərbiyə olunmasında milli ruh, özünüdərk hisslərinin aşılanması mühüm əhəmiyyət kəsb edir”.
Elm
- Sumqayıtlı məzun - “300 bal toplamaq mənim ilk böyük uğurumdur”
- İmtahanda yüksək bal toplayan Mələkxanım bu tanınmış şəxsin qızı imiş
- Buraxılış imtahanlarının tarixi açıqlandı - Cədvəl
- Ödənişli təhsil alan tələbələrə ŞAD XƏBƏR...
- Elm və Təhsil Nazirliyi valideynlərə müraciət etdi
- Müddətli müqavilə ilə işə qəbul olan müəllimlərin NƏZƏRİNƏ
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 953 dəfə oxunub
- Faiq Ağayev: "Damlanın dəyişimini çox bəyənirəm" 926 dəfə oxunub
- Qəbələdə dəhşət: 18 yaşlı qız tövlədə özünü asdı 916 dəfə oxunub