Yol polisi Bakıda kütləvi cərimələrə başladı - VİDEO
Elektron protokol tərtib edilir, artıq 520-dən çox sürücü cərimələnib
Bakı yollarında "IV İslam Həmrəyliyi Oyunları" üçün ayrılmış xüsusi zolağa girən digər avtomobillərin sürücüləri ötən gündən etibarən cərimə olunurlar.
Xezerxeber.az xəbər verir ki, qaydalara görə, müvəqqəti olaraq bu zolaqda yalnız operativ nəqliyyat vasitələri və xüsusi icazəsi olan avtomobillər hərəkət edə bilər. Hətta bunu qadağan edən nişanlar da zolaq boyu bir neçə yerdə qoyulub. Amma görünən odur ki, bəzi sürücülər həmin zolağa girərək kobud qayda pozuntusuna yol verirlər.
Bakı Şəhər Dövlət Yol Polis İdarəsinin bölmə rəisi Vaqif Əsədov bildirir ki, 24 saat təhlükəsiz şəhər kameraları vasitəsi ilə zolaqlar olan yola nəzarət edilir. Hansı sürücü daxil olursa dərhal həmin sürücü barəsində elektron protokol tərtib edilir: "Artıq 520-dən çox sürücü cərimələnib".
Çəkilişlərdən də görünür ki, bir çox sürücülər səbirsizlik edib oyunlar zolağına daxil olurlar.
Sürücü bu qaydanı eyni gündə neçə dəfə pozarsa bir o qədər cərimə ediləcək. Cərimənin məbləği 40 manatdır. Oyunlar zolağına qanunsuz şəkildə girən sürücülərin cərimələnməsi isə mayın 25-ə kimi davam edəcək.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 954 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 913 dəfə oxunub
- Aytən Səfərova ağır qəzaya düşdü 904 dəfə oxunub
- Nar-dan xüsusi təklif: 10%-dək endirimlə smartfon! 903 dəfə oxunub
- Fransa Azərbaycandakı səfirini geri çağırıb 600 dəfə oxunub