Azərbaycanda yeni uşaq jurnalı buraxıldı
Bu gün Bakıda “TEAS PRESS” Nəşriyyat Evinin uşaqlar üçün nəşr etdiyi “Qaranquş” adlı aylıq jurnalın ilk buraxılışının təqdimat mərasimi keçirilib.
“Bizim Yol” xəbər verir ki, 44 səhifəlik jurnalın hazırlanmasında Azərbaycanın tanınmış uşaq yazarları və illüstratorları iştirak ediblər. Jurnalın əsas maskotu fərqli dizayn edilmiş qaranquşdur və oxucular üçün müxtəlif məlumatlar onun dilindən təqdim olunur.
Məktəbəqədər və məktəb yaşlı uşaqlar üçün nəzərdə tutulan jurnalda maraqlı hekayələr, məqalələr, oyunlarla yanaşı, ingilis dilində mövzulara da yer verilir.
Jurnal hazırlanarkən ibtidai siniflər üçün tədris planında yer alan mövzulara uyğun hekayə və məqalələr yazılıb. Məhz bu xüsusiyyətinə görə jurnal həm müəllimlər, həm də şagirdlər üçün xüsusilə faydalıdır.
"Qaranquş" jurnalında 5-10 yaş arası bütün uşaqları maraqlandıran mövzulara aid rubrikalar var.
Jurnalın baş redaktoru Aysel Zahidqızı bildirib ki, jurnalın adının “Qaranquş” seçilməsi təsadüfü deyil:
“Çünki baharın müjdəçis iolan qaranquşu hər kəs sevir. Jurnalımız da uşaqlara yeni informasiyalar verir. Bir növ qaranquşu kim harda görsə üzündə təbəssüm yaradır. Bizim də məqsədimiz odur ki, uşaqları hər zaman əyləndrək və onları çalışqan olmağa öyrədək. Bu jurnal hər ay işıq üzü görəcək. Jurnal üçün 6 aylıq və 1 illik abunə olmaq mümkündür. Bundan əlavə, satışan da əldə etmək mümkündür. Jurnalın ilkin olaraq 3 min tirajla çıxarılır, amma gələcəkdə ehtiyac olduqda bu say artırılacaq. Jurnal hazırlanarkən ibtidai siniflər üçün tədirs planında yer alan mövzulara uyğun hekayə və məqalələr yazlıb. Məhz bu xüsusiyyətinə görə jurnal həm müəllimlər, həm də şagirdlər üçün faydalıdır”.
Tədbirdə Azərbaycan Yazıçılar Birliyinin uşaq ədəbiyyatı seksiyasının rəhbəri Qəşəm Nəcəfzadə, şair Ələmdar Quluzadə, müasir uşaq yazarı Reyhan Yusifqızı və digər şəxslər də çıxış ediblər.
Sizin üçün seçdik
İndi oxunanlar
Həftənin hitləri
- İmtahanda yüksək bal toplayan Mələkxanım bu tanınmış şəxsin qızı imiş 1116 dəfə oxunub
- Aytən Səfərova ağır qəzaya düşdü 1103 dəfə oxunub
- Nar-dan xüsusi təklif: 10%-dək endirimlə smartfon! 1103 dəfə oxunub
- Fransa Azərbaycandakı səfirini geri çağırıb 1100 dəfə oxunub
- Sumqayıtlı məzun - “300 bal toplamaq mənim ilk böyük uğurumdur” 995 dəfə oxunub
loading...