Professor: İsti havada birdən-birə soyuq otağa daxil olmaq infarkt riski yaradır
“İsti havalarda kondisioner istifadəsində yol verilən yanlışlıqlar və maye itirilməsi infarkta yol aça bilər”.
Mynews.az Report-a istinadən xəbər verir ki, bunu türkiyəli professor Asuman Kaftan açıqlayıb.
O, çox isti və soyuq havada beyində olan istilk mərkəzində balansın pozulduğunu, bütün orqanların iş yükünün artdığını, orqanların funksiyalarında dəyişikliyin baş verdiyini deyib.
Professor bu təsirlərə qarşı yaşlıların daha diqqətli olmasının vacibliyini vurğulayıb.
O, ürək-damar sistemində narahatlıq olan şəxslərin maye itkisinə qarşı diqqətli olmalarının vacibliyini bildirib: “İtirilən maye əvəzlənmədiyi halda orqanizmdə balans pozulacaq və o, siqnal verməyə başlayacaq. Maye itkisi damar yatağının içərisində qanın axmasına təsir edərək infarkta yol açır. Buna görə bol maye qəbul etmək lazımdır. Gün ərzində iki butulkanı keçməmək şərtilə mineral su istifadə olunmalıdır. Təzyiqi, ciddi ürək çatışmazlığı olanlar su içməklə itirilən mayenin yerini doldura bilərlər”.
Professor bildirib ki, həddən artıq isti havadan birdən-birə kondisioner işləyən otağa daxil olmaq da infarkt riskini artırır. Onun sözlərinə görə, ürək xəstələri kondisioner olan otaqlarda havanın temperaturunu otaq temperaturundan aşağı etməməlidirlər: “İsti havada orqanizmdə olan termostat sistemi vücud istiliyini balansda saxlamaq üçün damarları genişləndirir. Birdən-birə soyuq yerə daxil olduqda isə tam əksinə, bir mexanizm dövriyyəyə daxil olaraq damarlarda yığılmaya səbəb olur”.
Hərarəti saldığı üçün çay içilməsinə qarşı olmayan həkim sidikqovucu olması səbəbindən bu içkini içənlərə daha çox maye qəbul etməyi tövsiyə edib.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 964 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 926 dəfə oxunub
- Nar-dan xüsusi təklif: 10%-dək endirimlə smartfon! 917 dəfə oxunub
- Aytən Səfərova ağır qəzaya düşdü 916 dəfə oxunub
- Fransa Azərbaycandakı səfirini geri çağırıb 913 dəfə oxunub