"Bir işdir, səhvlik eləmişəm" - Çətənə kolları əkən şəxs saxlanıldı - VİDEO
İsmayıllıda narkotik tərkibli bitkiləri əkib-becərməklə məşğul olan şəxs saxlanılıb.
Mynews.az ARB TV-yə istinadən xəbər verir ki, Uştal kənd sakini qanunsuz əməllərini bir növ gözdən-könüldən uzaq yerdə həyata keçirmək istəyib.
Ona görə də bu iş üçün kəndin ərazisindəki meşəliyi seçib. Bununla polisi yanıldacağını düşünsə də, özü yanılıb. Ayıq-sayıq asayiş keşikçiləri 56 yaşlı Rafiq Məmmədovu elə iş başındaca - yetişdirdiyi çətənə kollarına qulluq etdiyi yerdə yaxalayıblar.
Rafiq Məmmədov - saxlanılan şəxs: "Səhvlik eləmişəm. Bir işdir. 39-40 ağac əkmişəm".
Əraziyə baxış zamanı oradan hündürlüyü 2 metr, sayı 57 ədəd olan çətənə kolu aşkar edilib. Polis əməkdaşları bitkiləri kökündən çıxararaq maddi sübut kimi götürüblər. Saxlanılan Rafiq Məmmədov çətənə toxumlarını tapdığını və meşənin ortasındakı boş ərazini kol-kosdan təmizləyərək ora əkdiyini etiraf edib. Dediyinə əsasən, narkotik vasitəni satmaq məqsədilə yox, şəxsi istifadəsi üçün əkib. Amma istənilən halda qanunu pozduğuna görə, cavab verməli olacaq. Açılan cinayət işi üzrə araşdırmalar davam etdirilir.
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 560 dəfə oxunub
- Faiq Ağayev: "Damlanın dəyişimini çox bəyənirəm" 551 dəfə oxunub
- Qəbələdə dəhşət: 18 yaşlı qız tövlədə özünü asdı 198 dəfə oxunub