“Johnson&Johnson”un pudraları xərçəng yaradır - Şirkət cərimələndi
“Johnson & Johnson” brendinə məxsus talk pudradan istifadə etdiyi üçün yumurtalıq xərçənginə tutulduğunu iddia edən ABŞ vətəndaşı Eva Eçeverria məhkəmədə şirkətə qalib gəlib.
Mynews.az Oxu.Az-a istinadən xəbər verir ki, Los-Anceles Ali Məhkəməsi üzləşdiyi zərərlərə qarşılıq olaraq 63 yaşındakı qadına 417 milyon dollar təzminat ödənilməsi yönündə qərar çıxarıb.
Təzminatın 70 milyon dolları kompensasiya, 347 milyon dollarlıq hissəsi isə cinayət təzminatıdır.
Qaldırıılan iddiada “Johnson&Johnson” şirkətinin körpə pudrası da daxil olmaqla, bütün talk pudrası məhsullarında kanserogen risklə əlaqədar müştərilərini kifayət qədər məlumatlandırmadığı qeyd edilir.
Bildirək ki, “Johnson&Johnson” haqqında 4 min 800 belə iddia var.
Kaliforniya əyalətində çıxan qərarın şirkətin imici üçün böyük məğlubiyyət olduğu irəli sürülür.
J&J məhkəmənin qərarından şikayət verəcəyini bəyan edib: Bu qərara etiraz edəcəyik. “Johnson'S” körpə pudrası məhsullarının təhlükəsizliyi elmi olaraq dəstəklənir”.
Sizin üçün seçdik
İndi oxunanlar
Həftənin hitləri
- Azərbaycanda Ramazan bayramı qeyd olunur 1245 dəfə oxunub
- Şahdağa 20 santimetr hündürlüyündə qar yağdı - FAKTİKİ HAVA 1241 dəfə oxunub
- ANS-in keçmiş aparıcısı həmcinsi ilə nişanlandı - FOTO 584 dəfə oxunub