Tarix boyu elektrik enerjisi olmayan bu kəndə işıq çəkilib
“Azərişıq” ASC Astara rayonunun ucqar Şəvqo kəndində elektrik şəbəkəsi qurub.
Mynews.az xəbər verir ki, bu barədə “Report”a qurumun mətbuat xidmətinin rəhbəri Tanrıverdi Mustafayev məlumat verib.
Ümumiyyətlə, Qurban bayramı günündə bu vaxta qədər elektrik enerjisi olmayan və 49 ailənin yaşadığı Şəvqo kəndinə “Azərişıq” tərəfindən işıq verilib. Çətin relyefdə yerləşən bu kənddə texnikadan istifadə etmək mümkün olmadığından, şəbəkə əl əməyi ilə qurulub.
“Ömrü boyu işığı olmayan 49 yaşayış evinin və ya 250-dən çox insanın elektrik enerjisi ilə təmin edilməsi üçün 2 km 10 kV-luq və 5 km 0,4 kV-luq məsafədə özünüdaşıyan izolyasiyalı naqillərdən ibarət xətt çəkilib. Bir ədəd 10/0,4 kV-luq 63 KVA gücündə transformator məntəqəsi quraşdırılıb. Abonentlərin evlərinə 49 ədəd sayğac qoyulub”, – T.Mustafayev deyib.
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 571 dəfə oxunub
- Faiq Ağayev: "Damlanın dəyişimini çox bəyənirəm" 560 dəfə oxunub
- Qəbələdə dəhşət: 18 yaşlı qız tövlədə özünü asdı 556 dəfə oxunub