Adına maaş yazılır - özünün xəbəri yoxdur - VİDEO
Cəlilabad sakininin başına maraqlı iş gəlib. Mynews.az xezerxeber.az-a istinadən xəbər verir ki, o, ünvanlı sosial yardım almaq üçün müraciət edəndə ona bildirilib ki, işləyir və maaş alır. Amma maraqlısı budur ki, həmin şəxs nə işindən, nə də maaşından xəbərdar olub. Təfərrüatları araşdırmışıq.
Özünün xəbəri olmadan şirkətdə işə götürüblər. Qəribə fakt Cəlilabad sakini sosial yardım almaq üçün müraciət edəndə üzə çıxıb.
Rayonun Qarazəncir kənd sakini Nazim Əliyev bir müddət əvvəl iş axtarmaq üçün əmək yarmarkasında iştirak edib. Yarmarkada İnşaat şirkətlərindən biri onu işə qəbul etmək üçün qeydiyyata alıb. Lakin üzərindən bir neçə ay keçdikdən sonra sözügedən şirkətdən xəbər çıxmadığını görən Nazim Əliyev ünvanlı sosial yardım almaq üçün elektron formada Əmək və Əhlinin sosila müdafiə nazirliyinə müraciət edib. Gələn cavab isə onu çaş-baş salıb.
Nazim Əliyev deyir ki, onun adının inşaat şirkətində işçi kimi qeydiyyatda olmasından və 8 ay müddətində ona verildiyi bildirilən 200 manat maaşdan xəbərsiz olub.
İnşaat şirkətinin nümayəndəsi Bədir Niftullayev deyir ki, vətəndaşın adı işə qəbul üçün sistemə daxil edilib və bu barədə əlaqədər dövlət qurumlarına məlumat verilib.
Şirkət nümayəndəsi onu da bildirdi ki, Nazim Əliyev vaxtında inşaat şirkətinə gəlib əmək müqaviləsi bağlamadığı üçün qeydiyyatına xitam verilib. Buna görə də sistemdə onun adının işçi kimi qalması yanlışdır.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 967 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 929 dəfə oxunub
- Nar-dan xüsusi təklif: 10%-dək endirimlə smartfon! 920 dəfə oxunub
- Aytən Səfərova ağır qəzaya düşdü 919 dəfə oxunub
- Fransa Azərbaycandakı səfirini geri çağırıb 917 dəfə oxunub