15 yaşlı şagirdi hamilə qoyan müəllim azadlığa ÇIXDI - Məhkəmə FAKTI TƏSDİQLƏDİ
Sumqayıt Apellyasiya Məhkəməsi şagirdini zorlayan müəllimin azadlığa çıxması faktını təsdiqləyib.
Mynews.az xəbər verir ki, Sumqayıt Apellyasiya Məhkəməsi Cinayət Kollegiyasının rəsmisi İsmayıl İsmayılovun Cebhe.info-ya verdiyi məlumata görə, Şamaxıda şagirdinin hamilə qalmasında təqsirləndirilən və buna görə 5 il 6 ay azadlıqdan məhrum edilən müəllim Elnur İbrahimov bu ilin mayında azadlığa buraxılıb:
“Elnur Həsənağa oğlu İbrahimovun işi hakim Vidadi Cəfərovun icraatında olub. O, 2016-cı ilin mayından həbsdə idi. Sumqayıt Apellyasiya Məhkəməsinin hökmü ilə ona 1 il azadlıqdan məhrumetmə cəzası verilmişdi. 13 may 2017-ci ildə Elnur İbrahimovun həbs müddəti bitib. Hazırda azadlıqdadır”.
İsmayıl İsmayılov qeyd edib ki, ilk instansiyada Elnur İbrahimova 2 il 6 ay pedaqoji fəaliyyətlə məşğul olmaq hüququndan məhrumedilməklə 5 il 6 ay həbs kəsilib:
“Həbs müddəti ilə razılaşmayan Elnur İbrahimov sonradan Sumqayıt Apellyasiya Məhkəməsinə müraciət edib. Apellyasiya Məhkəməsi isə ona verilən hökmü 1 il azadlıqdan məhrumetmə ilə əvəzləyib”.
Xatırladaq ki, 2016-cı ildə Şamaxı rayonunun Pirbəyli kənd orta məktəb şagirdi müəllimi Elnur İbrahimov tərəfindən zorlanaraq hamilə qalmışdı. Nəticədə o, 5 il 6 ay azadlıqdan məhrum edilmişdi.
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 567 dəfə oxunub
- Faiq Ağayev: "Damlanın dəyişimini çox bəyənirəm" 556 dəfə oxunub
- Qəbələdə dəhşət: 18 yaşlı qız tövlədə özünü asdı 553 dəfə oxunub