2-ci sinif şagirdinin dərsliyi ali məktəb səviyyəsində - VİDEO
Uşaq ikinci sinfə gedir, lakin onun musiqi dərsliyindəki terminlər ali məktəb səviyyəsindədir.
Bu iddia ilə “Xəzər Xəbər”ə bir valideyn müraciət edib. Bəs aşağı sinif şagirdinin qəliz terminlərlə yüklənməsi nə dərəcədə doğrudur? Əməkdaşlarımız məsələni araşdırıblar.
Dinamika, stakkato, legato, liga, reqistr, oktavanın növləri kimi musiqi terminləri. Bütün bu sadalananlar, ilk oxunuşdan peşəkar bir musiqiçinin tədris materialını xatırladır. Lakin nə qədər təəccüblü olsa da, qeyd olunan məlumatlar orta məktəbin 2-ci sinfi üçün nəzərdə tutulan musiqi dərsliyində əks olunub .
Valideynlər musiqiçi olmayan bir uşağın qəliz terminlərlə bu qədər yüklənməsindən narazıdırlar. Onlar deyirlər ki, musiqi dərsliyi əyləncəli olmaqla yanaşı, uşaqda bu sahəyə maraq oyatmalıdır.
Məsələ ilə bağlı dərsliyin müəllifi, professor Oqtay Rəcəbovla əlaqə saxladıq. O bildirdi ki, narazılıqlarla bağlı valideynlər yaxşı olar ki, ilk olaraq müəllifə müraciət etsinlər. Diskussiyalar zamanı sual yaradan məsələlərə aydınlıq gətirmək mümkündür.
Mütəxəssislər isə qeyd edirlər ki, aşağı siniflərdə təhsil alan uşaqların ağır və qəliz terminlərlə yüklənməsi nəinki onların inkişafına, hətta gələcəkdə bu dərslərdən soyumasına da gətirib çıxara bilər.. Odur ki, bu məqamlara xüsusi diqqət yetirmək lazımdır.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 978 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 948 dəfə oxunub
- Nar-dan xüsusi təklif: 10%-dək endirimlə smartfon! 938 dəfə oxunub
- Aytən Səfərova ağır qəzaya düşdü 937 dəfə oxunub
- Fransa Azərbaycandakı səfirini geri çağırıb 935 dəfə oxunub