Telman İsmayılov axtarışa verilə bilər
Moskva vilayətindəki "Abramtsevo" bazarına nəzarət edən "Lyubertsı" mütəşəkkil cinayətkar qruplaşmasının (MCQ) avtoritetlərinin qətlə yetirilməsində Telman İsmayılovun ailəsi şübhəli bilinir.
Mynews.az-ın Report-a istinadən xəbərinə əsasən, bu barədə "Rosbalt" məlumat verir.
Rusiyanın hüquq-mühafizə orqanlarındakı mənbə "Rosbalt"a bildirib ki, T.İsmayılova məxsus "Çerkizov" bazarının bağlanmasından sonra onun ailə üzvləri ticarətlərini davam etdirmək üçün yeni obyektlər axtarıblar və Moskva vilayətindəki "Abramtsevo" bazarı onların diqqətini cəlb edib.
Bu bazar isə "Lyubertsı" mütəşəkkil cinayətkar qruplaşmasının avtoritetləri və onlara yaxın biznesmenlərin nəzarəti altında olub. Bu ərəfədə həmin qruplaşmaların liderləri bir-bir qətlə yetirilib. Şahidlərin istintaqa verdiyi ifadəyə əsasən, hücumların arxasında T.İsmayılovun ailəsinin dayandığını söyləməyə əsas var.
"İş üzrə yalnız Telman yox, həm də onun övladlarının adları hallanır. Telman İsmayılovun tezliklə axtarışa verilməsi ehtimalı var", - deyə hüquq-mühafizə orqanlarındakı mənbə bildirib.
Sizin üçün seçdik
İndi oxunanlar
Həftənin hitləri
- Rusiya Ukrayna şəhərlərini ballistik raketlərlə vurdu 1013 dəfə oxunub
- Faiq Ağayev: "Damlanın dəyişimini çox bəyənirəm" 971 dəfə oxunub
- Qəbələdə dəhşət: 18 yaşlı qız tövlədə özünü asdı 960 dəfə oxunub