"Meşəyə getdik və..." - Nə etdiklərini bir-bir danışdı
"Hər şey yaxşı idi. Meşəliyə getdik, piknik etdik. Qayıtmağa hazırlaşanda, sanki, dəli oldu. Başladı məni vurmağa, söyməyə. Yaxamdan yapışıb dedi ki, hər şeyi söyləyəcək. Kimə, nə söyləyəcək - anlamadım. Amma hirsləndim. Ağlım başımdan çıxmışdı. Bir də gördüm ki, onu boğmuşam".
Başqırdıstandakı Meleuzov rayonunun sakini, 30 yaşlı azərbaycanlı Rasim Sadıqov həbs olunub. O, Salavat şəhərinin sakini, 27 yaşlı Olqa Yemelyanovanı xüsusi amansızlıqla qətlə yetirməkdə günahlandırılır.
Olqa Yemelyanovanın cəsədi Salavat şəhərinin kənarında, meşəlikdə ötən həftə tapılıb. Olqanın qohumları, tanışları, polislər və volontyorlar günlərdən bəri axtarışlarda idilər.
Sentyabrın 22-də Olqa çalışdığı gözəllik salonunu axşam saatlarında tərk edib, lakin evə getməyib. Sən demə, o, Vkontakte sosial şəbəkəsində tanış olduğu, yazışdığı Rasim Sadıqovla görüşə yollanıbmış.
Həmin gün R.Sadıqov iki uşaq anasına, ərindən boşanmış O. Yemelyanovaya şəhər kənarındakı meşəliyə gəzintiyə yollanmağı təklif edib.
Meşəyə yollanarkən O.Yemelyanova məşuqunun avtomobilindən rəfiqəsinin qardaşı Almaz Almuxametovun Vkontakte-dəki profilinə selfi fotosunu yollayıb, "Meşəyə gedirik, gərək sən də gələydin" yazıb.
R.Sadıqov məşuqəsini boğandan sonra cəsədi kolluqda gizlədib, evə qayıdıb. Elə həmin axşam o, Savalatı tərk edib.
O.Yemelyanovanın cəsədi sentyabrın 28-də tapılmışdı.
R.Sadıqov tutulub, haqqında cinayət işi qaldırılıb. Ona qarşı RF Cm-nin 105-ci maddəsinin 1-ci bəndi əsasında ittiham irəli sürülüb.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 959 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 918 dəfə oxunub
- Nar-dan xüsusi təklif: 10%-dək endirimlə smartfon! 910 dəfə oxunub
- Aytən Səfərova ağır qəzaya düşdü 909 dəfə oxunub
- Fransa Azərbaycandakı səfirini geri çağırıb 906 dəfə oxunub