Mynews.az
MƏNİM XƏBƏRLƏRİM

Mesut Yılmazın oğlu intihar etdi

Türkiyənin sabiq baş naziri Mesut Yılmazın oğlu Mehmet Yavuz Yılmaz tapança ilə özünə atəş açaraq intihar edib.

Milli.Az Habertürk-ə istinadən bildirir ki, Mehmet Yılmazın cəsədi İstanbuldakı Beykoz Konakları səmtindəki evində aşkarlanıb.

Mesut Yılmaz və xanımı Berna Yılmaz oğullarının cəsədinin aparıldığı "Gayrettepe Florence Nightingale Hastanesi"nə yollanıblar.

Onları Turqut Yılmaz, Abdurrahim Albayrak, Fatih Terim, Sadri Şener və Ahmet Nazif Zorlu müşayiət edirdilər.

Türkiyə prezidenti Rəcəb Tayyib Ərdoğan M.Yılmaza zəng vuraraq ona başsağlığı verib.

38 yaşlı Mehmet Yavuz Yılmazın intihar səbəbi bəlli deyil.

Mehmet Yılmaz İstanbuldakı Zincirlikuyu məzarlığında dəfn olunacaq.

Mehmet Yavuz Yılmaz ABŞ-dakı Corctaun Universitetində təhsil alıb, otelçilik və restoran biznesində fəaliyyət göstərib.

Teleaparıcı Neşe Sapmazla evlənmiş M.Yılmaz 3 illik nikahdan sonra boşanmışdı.

O, qardaşı Emir Hasan Yılmazla "CFS İstanbul Yatırım A.Ş" şirkətinə də rəhbərlik edirdi.

Whatsapp

Sizin üçün seçdik

Həftənin hitləri

loading...